મિશન મજનુનું શૂટિંગ શરૂ કર્યું સિદ્ધાર્થ મલ્હોત્રા અને રશ્મિકા મંદાનાએ
સિદ્ધાર્થ મલ્હોત્રા, રશ્મિકા મંદાના
સિદ્ધાર્થ મલ્હોત્રા અને રશ્મિકા મંદાનાએ ‘મિશન મજનુ’નું શૂટિંગ શરૂ કરી દીધું છે. ડિરેક્ટર શાંતનુ બાગચીની આ ફિલ્મનું શૂટિંગ લખનઉમાં શરૂ કરવામાં આવ્યું છે. ફિલ્મને રૉની સ્ક્રૂવાલા, અમર બુટાલા અને ગરિમા મહેતા પ્રોડ્યુસ કરી રહ્યાં છે. આ ફિલ્મ ૧૯૭૦ની વાસ્તવિક ઘટના પર આધારિત છે. એક સાહસી મિશનની સ્ટોરી ફિલ્મમાં દેખાડવામાં આવશે. એ ઘટના બાદ ભારત-પાકિસ્તાનના સંબંધો હંમેશ માટે બદલાઈ ગયા છે. ફિલ્મમાં સિદ્ધાર્થ રૉ એજન્ટ બન્યો છે. ક્લૅપ-બોર્ડનો ફોટો સિદ્ધાર્થે ઇન્સ્ટાસ્ટોરી પર શૅર કરીને કૅપ્શન આપી હતી, ‘જલદી જ મળીશું.’
