ત્રીજા હપ્તા, `મર્દાની 3`માં, રાની મુખર્જી ફરી એકવાર નિર્ભય અને દૃઢ પોલીસ અધિકારી શિવાની શિવાજી રૉય તરીકે કામ કરતી જોવા મળવાની છે. તે દેશભરમાં ગુમ થયેલી ઘણી છોકરીઓને બચાવવા માટે સમય સામે ખતરનાક દોડમાં ફસાઈ જાય છે.
રાની મુખર્જીની `મર્દાની 3નું ટ્રેલર લૉન્ચ
યશ રાજ ફિલ્મ્સે રાની મુખર્જી સ્ટારર `મર્દાની 3`નું ટ્રેલર રિલીઝ કર્યું છે. આ ફિલ્મ ભારતના બ્લૉકબસ્ટર મહિલા લીડ ફિલ્મ ફ્રેન્ચાઇઝમાં એક નવો અધ્યાય શરૂ કરે છે. મર્દાની હિન્દી સિનેમાની સૌથી મોટી સોલો મહિલા લીડ ફ્રેન્ચાઇઝ છે, જેને એક દાયકાથી વધુ સમયથી પ્રેક્ષકોનો અપાર પ્રેમ અને ક્રિટિક્સની પ્રશંસા મળી રહી છે. આ ફ્રેન્ચાઇઝીએ સિનેમાપ્રેમીઓમાં કલ્ટ સ્ટેટસ મેળવ્યું છે અને ભારતની એકમાત્ર સફળ મહિલા પોલીસ અધિકારી પર આધારિત સિનેમેટિક યુનિવર્સ બની રહી છે.
ત્રીજા હપ્તા, `મર્દાની 3`માં, રાની મુખર્જી ફરી એકવાર નિર્ભય અને દૃઢ પોલીસ અધિકારી શિવાની શિવાજી રૉય તરીકે કામ કરતી જોવા મળવાની છે. તે દેશભરમાં ગુમ થયેલી ઘણી છોકરીઓને બચાવવા માટે સમય સામે ખતરનાક દોડમાં ફસાઈ જાય છે. આ વખતે, શિવાની એક ક્રૂર, શક્તિશાળી અને ચાલાક મહિલા ખલનાયકનો સામનો કરશે, જેની સામે તે નિર્દોષ જીવન માટે હિંસક અને નિર્દય યુદ્ધ લડતી જોવા મળશે. પ્રશંસનીય અભિનેત્રી મલ્લિકા પ્રસાદ આ ખલનાયકની ભૂમિકામાં જોવા મળવાની છે. શૈતાન ફેમ જાનકી બોડીવાલા પણ ‘મર્દાની 3’ માં મુખ્ય ભૂમિકામાં ફ્રેન્ચાઇઝમાં જોડાય છે. ફિલ્મની વાર્તા આયુષ ગુપ્તા દ્વારા લખવામાં આવી છે, જે ‘ધ રેલવે મૅન’ જેવી વૈશ્વિક હિટ ફિલ્મોના લેખક છે.
ADVERTISEMENT
રીલીઝ ડેટ વિશે
અગાઉ રિલીઝ થયેલા પોસ્ટરને દર્શકો તરફથી જબરદસ્ત પ્રતિસાદ મળ્યો હતો, અને હવે આ ટ્રેલર આ ખૂબ જ અપેક્ષિત થ્રિલર માટે એક્સાઈટમેન્ટ વધારે છે. અભિરાજ મીનાવાલા દ્વારા દિગ્દર્શિત અને આદિત્ય ચોપરા દ્વારા નિર્મિત, ‘મર્દાની 3’ સામાજિક મુદ્દાઓ પર આધારિત શક્તિશાળી સિનેમાની ફ્રેન્ચાઇઝની પરંપરા ચાલુ રાખી છે. જ્યારે મર્દાની માનવ તસ્કરીના ભયાનક સત્યોને ઉજાગર કરે છે, ત્યારે મર્દાની 2 એ એક મનોરોગી સીરીયલ બળાત્કારીની માનસિકતાનો પર્દાફાશ કર્યો છે જે સિસ્ટમને પડકાર આપે છે. ‘મર્દાની 3’ સમાજની બીજી એક કાળી અને ક્રૂર વાસ્તવિકતામાં ડૂબકી લગાવીને પ્રભાવશાળી અને મુદ્દા-આધારિત વાર્તા કહેવાના વારસાને વધુ મજબૂત બનાવે છે. ‘મર્દાની 3’ 30 જાન્યુઆરી, 2026 ના રોજ વિશ્વભરના સિનેમાઘરોમાં રિલીઝ થવાની તૈયારીમાં છે.
રાની મુખરજીને ફરી સુપરકૉપ શિવાની શિવાજી રૉયના રોલમાં ચમકાવતી ‘મર્દાની’ ફ્રૅન્ચાઇઝીની આગામી ફિલ્મ ‘મર્દાની 3’ ૩૦ જાન્યુઆરીએ રિલીઝ થવાની છે. પહેલાં આ ફિલ્મ ૨૭ ફેબ્રુઆરીએ રિલીઝ થવાની હતી, પરંતુ હવે એને વહેલી રિલીઝ કરવામાં આવી રહી છે. ફિલ્મની રિલીઝની તારીખની જાહેરાત સાથે યશરાજ ફિલ્મ્સ દ્વારા ફિલ્મનું નવું પોસ્ટર પણ રિલીઝ કરવામાં આવ્યું છે. આ પોસ્ટરમાં રાની મુખરજી ભારતમાં ગુમ થયેલી બાળકીઓને શોધતી નજરે પડે છે. ફિલ્મમાં તેનું પાત્ર પહેલાંની જેમ જ મજબૂત છે, પરંતુ આ વખતે ઍક્શન વધુ જોરદાર જોવા મળશે. આ પોસ્ટરની સાથે કૅપ્શન લખવામાં આવી છે કે ‘જ્યાં સુધી તે બધાને બચાવી નહીં લે ત્યાં સુધી તે રોકાશે નહીં. નીડર પોલીસ-ઑફિસર શિવાની શિવાજી રૉય તરીકે રાની મુખરજી ફરી આવી રહી છે ‘મર્દાની 3’માં. બચાવ અભિયાન ૩૦ જાન્યુઆરીથી તમારા નજીકનાં સિનેમાઘરોમાં શરૂ થશે.’
