Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > કૉલમ > ટાઇપ-૧ ડાયાબિટીઝમાં શુગર એકદમ ઘટે તો?

ટાઇપ-૧ ડાયાબિટીઝમાં શુગર એકદમ ઘટે તો?

27 February, 2024 08:42 AM IST | Mumbai
Dr. Meeta Shah

હાલમાં તમારે ૨૪ કલાકનું શુગર મૉનિટરિંગ જરૂરી છે. એ માટેનું સેટ-અપ ઘરે પણ શક્ય છે.

પ્રતીકાત્મક તસવીર

ઑ .પી .ડી

પ્રતીકાત્મક તસવીર


મારી ઉંમર ૪૨ વર્ષ છે. હું ટાઇપ-૧ ડાયાબિટીઝની દરદી છું. મને કોઈ ખાસ તકલીફ નથી પરંતુ છેલ્લા અઠવાડિયાથી મારી શુગર એકદમ જ નીચે જવા લાગી છે. બે દિવસ પહેલાં એ ૩૫ થઈ ગયેલી. હું એકદમ બેભાન જેવી જ થઈ ગઈ હતી અને એટલે તાત્કાલિક હૉસ્પિટલ પણ અમારે જવું પડેલું. હમણાં પૂરતા ડૉક્ટરે ઇન્સ્યુલિનના ડોઝ ઘટાડ્યા છે પણ હજી શુગર સ્ટેબલ થતી નથી. ઉપર-નીચે થયા કરે છે. હું ૧૦ વર્ષની ઉંમરની હતી ત્યારથી આ રોગ સાથે જીવું છું. ફરીથી સ્ટેબિલિટી આવશે કે નહીં?
   
ટાઇપ-૧ ડાયાબિટીઝ એ પ્રકારનો ડાયાબિટીઝ છે જે નાનપણથી વ્યક્તિમાં જોવા મળે છે. આ દરદીઓએ સતત ઇન્સ્યુલિનનાં ઇન્જેક્શન લઈને પોતાના શરીરની શુગરને જાળવી રાખવી પડતી હોય છે. એ વાત સાચી છે કે એમના રોગનું મૅનેજમેન્ટ એક ટાસ્ક છે પરંતુ એ તમે આટલાં વર્ષોથી સારી રીતે કરી જ રહ્યાં છો. ધીરજ ન ગુમાવો. શુગર ઉપર-નીચે થાય ત્યારે વધુ સજાગતા સાથે મૉનિટરિંગ જરૂરી બને છે. હાલમાં તમારે ૨૪ કલાકનું શુગર મૉનિટરિંગ જરૂરી છે. એ માટેનું સેટ-અપ ઘરે પણ શક્ય છે. તમારા ડૉક્ટરને પૂછીને તમે એ ઘરે પણ કરવી શકો છી. એ માટે હૉસ્પિટલમાં રહેવાની જરૂર નથી. ડિવાઇસ દ્વારા એનું મૉનિટરિંગ સરળ બનશે. એક વખત શુગરના આંકડાઓ હાથમાં આવે અને એ સમજાય એટલે એનું મૅનેજમેન્ટ પણ સમજવું સરળ બનશે. 
ટાઇપ-૧ ડાયાબિટીઝ છે એટલે રેગ્યુલર ચેકઅપ ટાળતાં નહીં. બીજાં અંગોની શું પરિસ્થિતિ છે એ જોવી પણ જરૂરી છે. ખાસ કરીને આ પરિસ્થિતિમાં તમને સલાહ છે કે અમુક બાબતોને લઈને તમારે ધ્યાન રાખવું જ પડશે. ટાઇપ-૧ ડાયાબિટીઝના દરદીઓમાં બે કન્ડિશન ઘણી જ ગંભીર માનવામાં આવે છે, એક તો હાયપોગ્લાયસેમિયા જેમાં દરદીની શુગર ખૂબ જ ઓછી થઈ જવાને કારણે દરદી કોમામાં જઈ શકે છે અને એનું મૃત્યુ થઈ શકે છે અને બીજી કન્ડિશન છે ડાયાબેટિક કીટોએસીડોસિસ. આ પણ એવી જ કન્ડિશન છે જેમાં ડાયાબિટીઝનો દરદી કોમામાં જઈ શકે છે કે એનું મૃત્યુ થઈ શકે છે. આ બંને પરિસ્થિતિમાં પહેલું એ કે ૨૪ કલાકનું શુગર મૉનિટરિંગ અત્યંત જરૂરી છે. એ માટે એક ડિવાઇસ આવે છે જે સ્કિનની નીચે ફિટ કરવામાં આવે છે, જે એક સેન્સરનું કામ કરે છે અને ૨૪ કલાકમાં શુગર ક્યારે એકદમ નીચે કે ઉપર જાય છે એ તરત જાણી શકાય છે. એના માટેે રેગ્યુલર યુરિન ટેસ્ટ પણ અનિવાર્ય છે.


Whatsapp-channel Whatsapp-channel

27 February, 2024 08:42 AM IST | Mumbai | Dr. Meeta Shah

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK