RBIએ શુક્રવારે એક નિવેદનમાં કહ્યું કે સૉવરેન ગોલ્ડ બૉન્ડ (એસજીબી) સોમવારે પાંચ દિવસ માટે ખુલશે. ગોલ્ડ બૉન્ડની આ ઇન્સ્ટૉલમેન્ટની સબ્સ્ક્રિપ્શન વેલ્યૂ 6,263 રૂપિયા પ્રતિ ગ્રામ નક્કી કરવામાં આવી છે.
સોના માટે વાપરવામાં આવેલી પ્રતીકાત્મક તસવીર
RBIએ શુક્રવારે એક નિવેદનમાં કહ્યું કે સૉવરેન ગોલ્ડ બૉન્ડ (એસજીબી) સોમવારે પાંચ દિવસ માટે ખુલશે. ગોલ્ડ બૉન્ડની આ ઇન્સ્ટૉલમેન્ટની સબ્સ્ક્રિપ્શન વેલ્યૂ 6,263 રૂપિયા પ્રતિ ગ્રામ નક્કી કરવામાં આવી છે.
Sovereign Gold Bond scheme 2024: રિઝર્વ બેન્ક ઑફ ઈન્ડિયાએ શુક્રવારે એક નિવેદનમાં કહ્યું કે સૉવરેન ગોલ્ડ બૉન્ડ (એસજીબી) સોમવારે પાંચ દિવસ માટે ખુલશે. ગોલ્ડ બૉન્ડની આ ઈન્સ્ટૉલમેન્ટનું સબ્સ્ક્રિપ્શન વેલ્યૂ 6,263 રૂપિયા પ્રતિ ગ્રામ નક્કી કરવામાં આવ્યું છે. જણાવવાનું કે, સૉવરેન ગોલ્ડ બૉન્ડનું રિટર્ન જબરજસ્ત રહ્યું. જેને કારણે મોટી સંખ્યામાં ઈન્વેસ્ટર્સ આમાં પોતાનો દાવ લગાડવા માગી રહ્યા છે.
ADVERTISEMENT
આમને મળશે છૂટ (sovereign gold bond Price)
સોવરિન ગોલ્ડ બૉન્ડ સ્કીમ 2023-24 સિરીઝ ફોર આ મહિનાની 12મીથી 16મી સુધી ખુલ્લી રહેશે. સેન્ટ્રલ બેન્કે જણાવ્યું હતું કે, "બૉન્ડની કિંમત... સોનાના ગ્રામ દીઠ રૂ. 6,263 છે." ભારત સરકારે ઓનલાઈન અરજી કરનારા અને ડિજિટલ માધ્યમથી ચૂકવણી કરનારા રોકાણકારોને ફેસ વેલ્યુમાંથી રૂ. 50 પ્રતિ ગ્રામ ડિસ્કાઉન્ટ આપવાનો નિર્ણય કર્યો છે. આરબીઆઈએ જણાવ્યું હતું કે આવા રોકાણકારો માટે ગોલ્ડ બૉન્ડની ઈશ્યુ કિંમત રૂ. 6,213 હશે. (Sovereign Gold Bond scheme 2024)
ક્યાંથી ખરીદી શકાશે સોવરિન ગોલ્ડ બૉન્ડ
SGBs અનુસૂચિત વ્યાપારી બેંકો (નાની ફાઇનાન્સ બેંકો, ચુકવણી બેંકો અને પ્રાદેશિક ગ્રામીણ બેંકો સિવાય), સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ (SHCIL), સેટલમેન્ટ કોર્પોરેશન ઓફ ઈન્ડિયા લિમિટેડ (CCIL), નિયુક્ત પોસ્ટ ઓફિસો, નેશનલ સ્ટોક એક્સચેન્જ ઈન્ડિયા લિમિટેડ અને BSE લિમિટેડ દ્વારા વેચવામાં આવશે.
કોણ ખરીદી શકે છે સોવરિન ગોલ્ડ બૉન્ડ
સેન્ટ્રલ બેંક ખરેખર ભારત સરકાર વતી ગોલ્ડ બૉન્ડ (Sovereign Gold Bond scheme 2024) જારી કરે છે. આ માત્ર નિવાસી વ્યક્તિઓ, હિંદુ અવિભાજિત પરિવારો (HUF), ટ્રસ્ટ, યુનિવર્સિટીઓ અને ચેરિટેબલ સંસ્થાઓને વેચી શકાય છે. સબ્સ્ક્રિપ્શન માટેની મહત્તમ મર્યાદા વ્યક્તિઓ માટે ચાર કિલોગ્રામ, HUF માટે ચાર કિલોગ્રામ અને ટ્રસ્ટ અને સમાન સંસ્થાઓ માટે 20 કિલોગ્રામ પ્રતિ નાણાકીય વર્ષ છે. ગોલ્ડ બૉન્ડ સ્કીમ સૌપ્રથમ નવેમ્બર 2015માં ભૌતિક સોનાની માંગ ઘટાડવાના હેતુથી રજૂ કરવામાં આવી હતી
નોંધનીય છે કે અમેરિકાના સ્ટ્રૉન્ગ ઇકૉનૉમિક ડેટ સામે મિડલ ઈસ્ટમાં સતત ટેન્શન વધી રહ્યું હોવાથી બેતરફી કારણોથી સોનું દિશાવિહીન બન્યું છે. મુંબઈ જ્વેલરી માર્કેટમાં સોનાનો ભાવ પ્રતિ ૧૦ ગ્રામ ૧૨ રૂપિયા અને ચાંદીનો ભાવ પ્રતિ કિલો ૬૮૮ રૂપિયા વધ્યો હતો.
વિદેશ પ્રવાહ
Sovereign Gold Bond scheme 2024: છેલ્લા બે મહિનાથી અમેરિકાના ૯૫ ટકાથી વધુ ઇકૉનૉમિક ડેટા ધારણા કરતાં વધુ સ્ટ્રૉન્ગ આવી રહ્યા છે જેને પગલે અમેરિકન ડૉલર મજબૂત બની રહ્યો છે અને ઇન્ટરેસ્ટ રેટ ઘટાડો મોડો શરૂ થશે એના ચાન્સ વધી રહ્યા છે. બીજી તરફ ઇઝરાયલ દ્વારા ચાર મહિનાથી હમાસના આંતકવાદીઓને ઢેર કરવાના આક્રમક પ્રયાસો બાદ હમાસે યુદ્ધ-સમાપ્તિની ઑફર કરી હતી એને પણ ઇઝરાયેલે ફગાવી દીધી છે. ઉપરાંત આતંકવાદીઓ પર અમેરિકાએ પણ અટૅક ચાલુ કરતાં મિડલ-ઈસ્ટમાં ટેન્શન વધ્યું છે. આમ સોનાની તેજી-મંદીનાં બે તરફી કારણોથી સોનું દિશાવિહીન બનીને ટૂંકી વધ-ઘટે અથડાઈ રહ્યું છે. વર્લ્ડ માર્કેટમાં શુક્રવારે સોનું વધીને ૨૦૩૫.૫૦ ડૉલર થયા બાદ ઘટીને ૨૦૩૦ ડૉલર થયા બાદ સાંજે ૨૦૩૨થી ૨૦૩૩ ડૉલરની રેન્જમાં હતું. આવી રેન્જ લાંબા સમયથી જોવા મળી રહી છે. શુક્રવારે ચાંદી સુધરી હતી, જ્યારે પ્લૅટિનમ અને પૅલેડિયમ ડૉલરની મજબૂતીને કારણે ઘટ્યાં હતાં.
