Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > બિઝનેસ સમાચાર > રશિયા આંતરરાષ્ટ્રીય પેમેન્ટ માટે સ્ટેબલકૉઇનને કાનૂની સ્વરૂપ આપવા માગે છેઃ IC૧૫ ઇન્ડેક્સ વધુ ૩૬૪૮ પૉઇન્ટ ઘટ્યો

રશિયા આંતરરાષ્ટ્રીય પેમેન્ટ માટે સ્ટેબલકૉઇનને કાનૂની સ્વરૂપ આપવા માગે છેઃ IC૧૫ ઇન્ડેક્સ વધુ ૩૬૪૮ પૉઇન્ટ ઘટ્યો

05 July, 2024 07:10 AM IST | Mumbai
Gujarati Mid-day Correspondent | feedbackgmd@mid-day.com

વૈશ્વિક ક્રિપ્ટોકરન્સી માર્કેટમાં મોટા પાયે ઉપાડ થવાને પગલે ગુરુવારે સતત ત્રીજા દિવસે ઘટાડો નોંધાયો હતો.

પ્રતીકાત્મક ફાઇલ તસવીર

પ્રતીકાત્મક ફાઇલ તસવીર


વૈશ્વિક ક્રિપ્ટોકરન્સી માર્કેટમાં મોટા પાયે ઉપાડ થવાને પગલે ગુરુવારે સતત ત્રીજા દિવસે ઘટાડો નોંધાયો હતો. ૩.૦ વર્સે લૉન્ચ કરેલો વિશ્વનો સર્વપ્રથમ ક્રિપ્ટો ઇન્ડેક્સ – આઇસી૧૫ બપોરે ૪ વાગ્યે પૂરા થયેલા ૨૪ કલાકમાં ૪.૭૨ ટકા (૩૬૪૮ પૉઇન્ટ) ઘટીને ૭૩,૫૭૫ પૉઇન્ટ બંધ રહ્યો હતો. ઇન્ડેક્સ ૭૭,૨૨૩ ખૂલીને ૮૦,૯૬૦ની ઉપલી અને ૭૭,૨૨ પૉઇન્ટની નીચલી સપાટીએ ગયો હતો. ઇન્ડેક્સના તમામ કૉઇન ઘટ્યા હતા. શિબા ઇનુ, ડોઝકૉઇન, ચેઇનલિન્ક અને સોલાના ૭થી ૯ ટકાની રેન્જમાં ઘટેલા ટોચના ઘટનાર હતા.


દરમ્યાન બૅન્કિંગ કામકાજ પર દેખરેખ રાખનારી બેઝલ કમિટીએ બૅન્કોના ક્રિપ્ટો એક્સપોઝર જાહેર કરવા સંબંધનું આખરી માળખું મંજૂર કર્યું છે. એનો અમલ વર્ષ ૨૦૨૬ના પ્રારંભથી થશે. બીજી બાજુ, બૅન્ક ઑફ રશિયા આંતરરાષ્ટ્રીય પેમેન્ટ માટે સ્ટેબલકૉઇનને કાનૂની સ્વરૂપ આપવા માગે છે. એની પાછળનો ઉદ્દેશ ચીન સાથેના વેપાર માટે પેમેન્ટની વૈકલ્પિક વ્યવસ્થા કરવાનો છે. રશિયા પર આંતરરાષ્ટ્રીય વેપાર સંબંધે નિયંત્રણો લાદવામાં આવ્યાં હોવાથી આવી વ્યવસ્થા કરવાનો વખત આવ્યો છે.



અન્ય એક અહેવાલ મુજબ નાઇજીરિયાની સરકાર આર્ટિફિશ્યલ ઇન્ટેલિજન્સ, ઇન્ટરનેટ ઑફ થિંગ્સ અને બ્લૉકચેઇન ટેક્નૉલૉજી સહિતની નવી ટેક્નૉલૉજી માટે સંશોધન-કેન્દ્રો સ્થાપવાનું આયોજન ધરાવે છે.


Whatsapp-channel Whatsapp-channel

05 July, 2024 07:10 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK