મોંઘવારીને કાબૂમાં રાખવા કુલ ત્રણ તબક્કે ૧.૪૦ ટકાનો વધારો થયો
ફાઇલ તસવીર
રિઝર્વ બૅન્ક ઑફ ઇન્ડિયાએ મોંઘવારીને ધ્યાનમાં રાખીને મુખ્ય ચાવીરૂપ વ્યાજદર રેપોરેટમાં ૫૦ બેસિસ પૉઇન્ટનો વધારો કર્યો છે. આ સાથે વ્યાજદર કોરોના પહેલાંના સ્તરે પહોંચી ગયા છે. વ્યાજદરમાં વધારો થવાને પગલે હવે હોમ, ઑટો અને અન્ય લોનના હપ્તા વધુ વધવાની તૈયારીમાં છે. ફુગાવો નીચો આવવાનું નામ ન લેતો હોવાથી રિઝર્વ બૅન્કે મે મહિના બાદ આ ત્રીજો વધારો કર્યો છે.
રેપોરેટમાં ૦.૫૦ ટકાનો વધારો કરીને ૫.૪૦ ટકા કર્યો છે, જે વધારા બાદ આ દર કોરોના પહેલાંના સ્તર કરતાં ૦.૨૫ ટકા વધારે છે. નવા દર ઑગસ્ટ ૨૦૧૯ બાદના સૌથી ઊંચા દર છે.
રિઝર્વ બૅન્ક ઑફ ઇન્ડિયા (આરબીઆઇ)ના ગવર્નર શક્તિકાંત દાસે સંકેત આપ્યો હતો કે સતત બીજા અડધા પૉઇન્ટનો વધારો દરને કડક બનાવવાના શાસનનો અંત નથી અને વધુ ફુગાવાને કાબૂમાં લઈ શકે છે જે ૬ મહિનાથી ૬ ટકાના કમ્ફર્ટ ઝોનથી ઉપર રહ્યો છે.
વૈશ્વિક મંદી, વિકસિત અર્થવ્યવસ્થાઓમાં મંદીની સ્થિતિ અને કૉમોડિટીના ભાવમાં પહેલેથી જ સાક્ષી રહેલી મધ્યસ્થતાના સંકેત હોવા છતાં મધ્યસ્થ બૅન્કે એની વર્તમાન આર્થિક વૃદ્ધિ અથવા ફુગાવાના અનુમાનમાં સુધારો કર્યો નથી. ફુગાવો ચાલુ નાણાકીય વર્ષના પહેલા ત્રિમાસિક ગાળા દરમ્યાન ૬ ટકાની ઉપર જ રહેવાનો અંદાજ છે.
