Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > બિઝનેસ સમાચાર > ખાંડની નિકાસ સબસિડી માટે વધુ નાણાં આપવા નાણામંત્રાલયે ના પાડી

ખાંડની નિકાસ સબસિડી માટે વધુ નાણાં આપવા નાણામંત્રાલયે ના પાડી

24 January, 2023 04:31 PM IST | Mumbai
Gujarati Mid-day Correspondent | feedbackgmd@mid-day.com

નવી સીઝનમાં કુલ ૧.૧૮ ટ્રિલ્યન રૂપિયાની શેરડીના ખેડૂતોને ચુકવણી થઈ

પ્રતીકાત્મક તસવીર

પ્રતીકાત્મક તસવીર


ખાંડમાં નિકાસ પરની વધારાની સબસિડી આપવા માટે નાણામંત્રાલયે હાલ હાથ ઊંચા કરી દીધા છે.

નાણામંત્રાલયે ખાદ્યમંત્રાલયને વર્તમાન ફાળવેલ ભંડોળનો ઉપયોગ ખાંડની નિકાસ અને બફર સબસિડી પરના બાકી દાવાઓનું સમાધાન કરવા માટે ખાંડ મિલોને ૪૦ કરોડ રૂપિયા ચૂકવવા જણાવ્યું છે, એમ એક સરકારી સૂત્રએ જણાવ્યું હતું.



ખાદ્યમંત્રાલયે સપ્ટેમ્બરમાં નાણામંત્રાલયને પત્ર લખીને ૨૦૧૮-’૧૯ની ખાંડની સીઝનથી શરૂ કરીને ત્રણ વર્ષ માટે મિલોના લગભગ ૨૦ પેન્ડિંગ દાવાઓના સમાધાન માટે વધારાના ૪૦ કરોડ રૂપિયા ફાળવ્યા હતા.


એના જવાબમાં નાણામંત્રાલયે ખાદ્યમંત્રાલયને ૨૦૨૨-’૨૩ માટેના બજેટમાં પહેલાંથી જ ફાળવેલ ભંડોળમાંથી બચતનો ઉપયોગ કરવા જણાવ્યું હતું એમ સૂત્રએ જણાવ્યું હતું. ફૂડ મિનિસ્ટ્રી આ મહિનાના અંત સુધીમાં મિલો દ્વારા પેન્ડિંગ દાવાઓનું સમાધાન કરવાનું લક્ષ્ય રાખે છે, એમ સૂત્રએ ઉમેર્યું હતું. ખાદ્યમંત્રાલયે સરપ્લસ સ્ટૉક ઘટાડવા અને શેરડીના ખેડૂતોને સમયસર ચુકવણી કરવામાં રોકડની તંગી ધરાવતી ખાંડ મિલોને મદદ કરવા માટે નિકાસ પર સબસિડીની ઑફર કરી હતી.

૨૦૧૯-’૨૦ (ઑક્ટોબર-સપ્ટેમ્બર)માં ભારતે ૬.૦ મિલ્યન ટન ખાંડની નિકાસ કરી હતી અને મિલોને સરકાર તરફથી ૧૦,૪૪૮ રૂપિયા પ્રતિ ટનની ટ્રાન્સપોર્ટ સબસિડી મળી હતી. ૨૦૨૦-’૨૧માં ખાંડની નિકાસ માટે ટ્રાન્સપોર્ટ સબસિડી ઘટાડીને ૬૦૦૦ રૂપિયા પ્રતિ ટન કરવામાં આવી હતી.


મિલોની તરલતા સુધારવા માટે સરકારે ૨૦૧૭-’૧૮ની ખાંડની સીઝનમાં બફર સબસિડી યોજનાની જાહેરાત કરી હતી, જેથી તેઓ ખેડૂતોની શેરડીની બાકી રકમને સાફ કરી શકે અને સ્થાનિક બજારમાં ખાંડના ભાવ સ્થિર કરી શકે. આ યોજના ૨૦૧૯-’૨૦ (ઑક્ટોબર-સપ્ટેમ્બર) સુધી ચાલુ રહી હતી. ફૂડ ઍન્ડ પબ્લિક ડિસ્ટ્રિબ્યુશન વિભાગના અધિક સચિવ સુબોધ કુમાર સિંહે જણાવ્યું હતું કે અત્યાર સુધીમાં મિલોએ ૨૦૨૧-’૨૨ (ઑક્ટોબર-સપ્ટેમ્બર) માટે ખેડૂતોને લગભગ ૯૯.૯૮ ટકા શેરડીની રકમની ચુકવણી કરી દીધી છે.

મિલોએ ૨૦૨૧-’૨૨ સીઝનમાં ૧.૧૮ ટ્રિલ્યન રૂપિયાથી વધુની શેરડીની ખરીદી કરી હતી અને સરકાર તરફથી કોઈ નાણાકીય સહાય વિના ૧.૧૫ ટ્રિલ્યન રૂપિયાની ચુકવણી બહાર પાડી હતી, એમ સિંહે જણાવ્યું હતું.

Whatsapp-channel Whatsapp-channel

24 January, 2023 04:31 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK