Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > બિઝનેસ સમાચાર > Closing Bell: જીડીપીને પગલે શેરબજારને પણ મળી ગતિ, સેન્સેક્સ રેકૉર્ડ હાઈ પર બંધ

Closing Bell: જીડીપીને પગલે શેરબજારને પણ મળી ગતિ, સેન્સેક્સ રેકૉર્ડ હાઈ પર બંધ

01 March, 2024 06:06 PM IST | Mumbai
Gujarati Mid-day Online Correspondent | gmddigital@mid-day.com

નાણાકીય વર્ષ 2023-24ના ત્રીજા ક્વાર્ટરમાં 8.4 ટકાના ઉત્તમ જીડીપી આંકડા અને ઉત્તમ વૈશ્વિક સંકેતોને કારણે માર્ચ મહિનાનું પ્રથમ ટ્રેડિંગ સત્ર ભારતીય શેરબજાર (Closing Bell) માટે ઘણું સારું રહ્યું છે

પ્રતીકાત્મક તસવીર

પ્રતીકાત્મક તસવીર


નાણાકીય વર્ષ 2023-24ના ત્રીજા ક્વાર્ટરમાં 8.4 ટકાના ઉત્તમ જીડીપી આંકડા અને ઉત્તમ વૈશ્વિક સંકેતોને કારણે માર્ચ મહિનાનું પ્રથમ ટ્રેડિંગ સત્ર ભારતીય શેરબજાર (Closing Bell) માટે ઘણું સારું રહ્યું છે. બેન્કિંગ એનર્જી શેરોમાં રોકાણકારોની ભારે ખરીદીને કારણે બજારમાં આ વધારો જોવા મળ્યો હતો, જેના કારણે સેન્સેક્સ અને નિફ્ટી (Closing Bell)એ ઐતિહાસિક ઊંચાઈને સ્પર્શી હતી. સેન્સેક્સ 73,819 પોઈન્ટ અને નિફ્ટી 22,353 પોઈન્ટની રેકૉર્ડ હાઈ પર પહોંચ્યો હતો. આજના કારોબારના અંતે બીએસઈ સેન્સેક્સ 1245 પોઈન્ટના ઉછાળા સાથે 73,745 અને નેશનલ સ્ટોક એક્સચેન્જનો નિફ્ટી 356 પોઈન્ટના ઉછાળા સાથે 22,338 પર બંધ રહ્યો હતો.

સેક્ટરની સ્થિતિ



શેરબજાર (Share Market)માં આજના ઉછાળામાં સૌથી મોટો ફાળો બેન્કિંગ શેરોએ આપ્યો છે. નિફ્ટી બેન્ક 2.53 ટકા અને 1166 પોઈન્ટના વધારા સાથે બંધ થયો છે. નિફ્ટી બેન્કના તમામ 12 શેર લીલા નિશાનમાં બંધ થયા હતા. નિફ્ટી પીએસયુ બેન્ક ઇન્ડેક્સ (Closing Bell)માં પણ મજબૂત વધારો જોવા મળ્યો છે. આ સિવાય ઑટો, એફએમસીજી, મેટલ્સ, એનર્જી, ઈન્ફ્રા, કન્ઝ્યુમર ડ્યુરેબલ્સ અને ઑઈલ ઍન્ડ ગેસ સેક્ટરના શેરો જોરદાર બંધ થયા છે, જ્યારે હેલ્થકેર, ફાર્મા અને આઈટી શેરોમાં ઘટાડો જોવા મળ્યો છે. મિડકેપ અને સ્મોલકેપ સેક્ટરના શેરોમાં પણ હરિયાળી જોવા મળી છે. બંને ઇન્ડેક્સ વધારા સાથે બંધ થયા હતા.


માર્કેટ કેપમાં ઉછાળો

શેરબજારમાં જબરદસ્ત વૃદ્ધિને કારણે બીએસઈ પર લિસ્ટેડ કંપનીઓના માર્કેટ કેપમાં જોરદાર ઉછાળો આવ્યો છે. આજના ટ્રેડિંગમાં બીએસઈનું માર્કેટ કેપ રૂા. 4.28 લાખ કરોડના ઉછાળા સાથે રૂા. 392.23 લાખ કરોડ પર બંધ થયું હતું, જ્યારે છેલ્લા સત્રમાં માર્કેટ કેપ રૂા. 387.95 લાખ કરોડ હતું. આજના કારોબારમાં ટાટા સ્ટીલ 6.46 ટકા, લાર્સન 4.48 ટકા, આઈસીઆઈસીઆઈ બેન્ક 3.30 ટકાના વધારા સાથે બંધ થયા છે.


સુધારેલા જીએસટી રિટર્નનું ફાઇલિંગ

જીએસટી કરદાતાઓને મદદ કરી શકાય એ માટે અને ઇન્ડાયરેક્ટ ટૅક્સ હેઠળના ક્ષેત્રમાં વર્તમાન સ્તરે થતાં કાયદાકીય વિવાદો ઓછા કરી શકાય એ માટે યુનિયન ગવર્નમેન્ટ ભાવિ માટે સકારાત્મક દિશામાં પગલાં લઈ રહી છે, જેને અંતર્ગત અપડેટ કરેલા અથવા સુધારેલા જીએસટી રિટર્ન ફાઇલ કરવાની મંજૂરી આપવાની યોજના બનાવી રહી છે. ઉપલબ્ધ નવીનત્તમ માહિતી મુજબ, જીએસટી કરદાતાઓ જીએસટીની ગણતરી સહિત તેમના રિટર્નને અપડેટ કરી શકશે અથવા સુધારી શકશે.  

જીએસટીના વર્તમાન કાયદા મુજબ અમુક નજીવા સુધારા સિવાય અપડેટ અથવા સુધારેલા જીએસટી રિટર્ન ફાઇલ કરવા માટે હાલમાં બીજી કોઈ રીત નથી. ઇન્વૉઇસની વિગતોમાં સુધારાઓ કર્યા બાદ એને જીએસટી પોર્ટલ પર અપલોડ કરવું પડે છે. ઇન્કમ ટૅક્સ ઍક્ટ, ૧૯૬૧ હેઠળ આવી સુવિધા અગાઉથી કાર્યરત છે. જીએસટી માટે આ દરખાસ્ત વિવિધ ઉદ્યોગ સંગઠન દ્વારા સૂચવવામાં આવી હતી અને વ્યવસાયો આ સુવિધા માટે માગણી કરતા હતા. એ નોંધવું જોઈએ કે આવી વિનંતી કરતી અરજી પહેલેથી જ ભારતની સુપ્રીમ કોર્ટ સમક્ષ ઊભી છે. 

Whatsapp-channel Whatsapp-channel

01 March, 2024 06:06 PM IST | Mumbai | Gujarati Mid-day Online Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK