મુંબઈમાં તમામ બજેટ કૅટેગરીમાં ઓવરઑલ ન વેચાયેલા હાઉસિંગ સ્ટૉકમાં વાર્ષિક ધોરણે ૧૩ ટકાનો વધારો જોવા મળ્યો હતો
પ્રતીકાત્મક તસવીર (તસવીર સૌજન્ય : આઇસ્ટૉક)
પ્રૉપર્ટી કન્સલ્ટન્ટ એનારોકના જણાવ્યા અનુસાર, મુંબઈ મેટ્રોપૉલિટન રીજન (એમએમઆર)માં આ વર્ષના માર્ચના અંતમાં ૪૦થી ૮૦ લાખ રૂપિયાની કિંમતનાં ન વેચાયેલાં ઘરોમાં વાર્ષિક ૩૩ ટકાનો વધારો જોવા મળ્યો છે, જે ૫૩,૫૫૦ યુનિટ્સ થયો છે.
મુંબઈમાં તમામ બજેટ કૅટેગરીમાં ઓવરઑલ ન વેચાયેલા હાઉસિંગ સ્ટૉકમાં વાર્ષિક ધોરણે ૧૩ ટકાનો વધારો જોવા મળ્યો હતો. ૨૦૨૨ના પહેલા ક્વૉર્ટરમાં ૧.૭૭ લાખ એકમો સામે ૨૦૨૩ના પહેલા ક્વૉર્ટરના અંતમાં ૨.૦૦ લાખ મકાનો વેચાણ વગરનાં રહ્યાં છે.
ADVERTISEMENT
મિડ-સેગમેન્ટનાં ઘરો (કિંમત ૪૦થી ૮૦ લાખ)ના વેચાયેલા સ્ટૉકમાં એક વર્ષ અગાઉના ૪૦,૨૪૫ એકમોની સરખામણીએ આ વર્ષે માર્ચ સુધીમાં સૌથી વધુ ૩૩ ટકા વધીને ૫૩,૫૫૦ એકમો થયા હતા.
મુંબઈમાં ૮૦ લાખથી ૧.૫૦ કરોડ રૂપિયાની કિંમતનાં ઘરોની ઇન્વેન્ટરી આ વર્ષના માર્ચના અંત સુધીમાં ૨૩ ટકા વધીને ૫૩,૦૮૦ યુનિટ થયો છે જે નાણાકીય વર્ષ ૨૦૨૨ના પ્રથમ ત્રિમાસિક ગાળામાં ૪૩,૧૪૦ યુનિટ હતો.
૧.૫ કરોડથી ૨.૫ કરોડ રૂપિયાની વચ્ચેનાં ઘરોની ન વેચાયેલી ઇન્વેન્ટરી ૨૨,૮૩૦ એકમોથી સાત ટકા વધીને ૨૪,૪૨૦ એકમો થઈ હતી.
