ઇન્સ્ટાગ્રામ પર વધારે કમાણી કરતા ટૉપ 10માં રોનાલ્ડો સાથે જોડાયો વિરાટ
વિરાટ કોહલી
સોશ્યલ મીડિયા પ્લૅટફૉર્મ ઇન્સ્ટાગ્રામ પર સૌથી વધારે કમાણી કરતા ટૉપ ટેન ઍથ્લિટોની યાદીમાં હવે વિરાટ કોહલીનું નામ પણ સામેલ થયું છે. ૧૨ માર્ચથી ૧૪ મે સુધીના આંકડા મુજબ કોહલીએ આ મુકામ હાંસલ કર્યું હતું. આ યાદીમાં કોહલી ૩,૭૬,૨૯૪ પાઉન્ડ (અંદાજે ૩,૪૭,૨૩,૪૫૮ રૂપિયા) સાથે છઠ્ઠા ક્રમે છે. આ સમયગાળા દરમ્યાન કોહલીએ માત્ર ત્રણ ફોટો અપલોડ કર્યા હતા અને પ્રત્યેક ફોટોદીઠ તેણે ૧,૨૬,૪૩૧ પાઉન્ડ (અંદાજે ૧,૨૦,૯૭,૦૫૯ રૂપિયા)ની કમાણી કરી હતી. ક્રિસ્ટિયાનો રોનાલ્ડો આ યાદીમાં પહેલા ક્રમે છે અને એક પોસ્ટ પર તે અંદાજે ૧૦,૮૦,૦૦૦ પાઉન્ડની કમાણી કરે છે. મેસી અને નેમાર બીજા અને ત્રીજા ક્રમે છે, જેમને એક પોસ્ટ પર અંદાજે ૧૦,૨૦,૦૦૦ અને ૧૦,૧૦,૦૦૦ પાઉન્ડ મળે છે. આ પ્લેયર ઉપરાંત બાસ્કેટબૉલ પ્લેયર શકીલ ઓનિયલ, ઇંગ્લૅન્ડ ફુટબોલર ડેવિડ બૅકહૅમ, ઝલતન ઇબ્રાહિમોવિક, ડ્વેઇન વેડ, ડૅની આલ્વેશ અને ઍન્ટની જોશુઆનો સમાવેશ છે.