જેનું નામ સ્પર્ધકોના લિસ્ટમાં હતું જ નહીં તે જીતી ગઈ સિલ્વર મેડલ

Published: 9th August, 2012 06:22 IST

મહિલાઓની ગોળાફેંક હરીફાઈમાં વૅલેરી ઍડમ્સ નામની શૉટ પુટની ઍથ્લીટે ગઈ કાલે સિલ્વર મેડલ જીતીને ન્યુ ઝીલૅન્ડને ગૌરવ અપાવ્યું હતું.

 

જોકે નવાઈની વાત એ છે કે પોતાના જ દેશના ઑલિમ્પિક અસોસિએશનના બ્લન્ડરને લીધે કદાચ તે સ્પર્ધામાં ભાગ ન લઈ શકી હોત. વૅલેરી ૨૦૦૮ની ઑલિમ્પિક્સમાં ગોલ્ડ મેડલ જીતી હતી. તે વલ્ર્ડ ચૅમ્પિયન છે અને આ વખતે પણ તે સુવર્ણચંદ્રક માટે ફેવરિટ ગણાતી હતી.


સોમવારે ક્વૉલિફિકેશન રાઉન્ડ પહેલાં દરેક દેશે પોતાના ઍથ્લીટનાં નામો આયોજકોને આપવાનાં હતાં, પરંતુ કિવીઓના અસોસિએશને આપેલા લિસ્ટમાં વૅલેરીનું નામ જ નહોતું. આ ભૂલ કોની હતી એ જાહેર નહોતું કરવામાં આવ્યું, પરંતુ કિવીઓએ ભૂલ સમજાતાં મોડેથી વૅલેરીનું નામ મોકલ્યું હતું. જો ઑલિમ્પિક્સના આયોજકોએ નામ ન  સ્વીકાર્યું હોત તો ન્યુ ઝીલૅન્ડ શરમજનક સ્થિતિમાં મુકાઈ ગયું હોત અને એણે એક મેડલથી પણ હાથ ધોવો પડ્યો હોત.


કિવી અધિકારીઓએ આ બાબતને ગંભીરતાપૂર્વક લઈને કોણે ભૂલ કરી હતી એની તપાસ શરૂ કરી છે. ઑલિમ્પિક અસોસિએશનના અધ્યક્ષ ડેવ કરીએ આ બાબતે કહ્યું હતું કે અમે બધા જ ખેલાડીઓને ફૉર્મ મોકલ્યાં હતાં, પણ વૅલેરીના નામ સામેના બૉક્સમાં ટિક માર્ક કરવાનું રહી ગયું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK