સારા પર્ફોર્મન્સને કારણે પૂજારાનો સેન્ટ્રલ કૉન્ટ્રૅક્ટ થઈ શકે અપગ્રેડ
ઓસ્ટ્રેલિયામાં પૂજારા છે શાનદાર ફોર્મમાં
ઑસ્ટ્રેલિયામાં રમાતી ૪ ટેસ્ટની સિરીઝમાં ભવ્ય પર્ફોર્મન્સને કારણે ભારતીય ક્રિકેટ ર્બોડ દ્વારા ચેતેશ્વર પુજારાનો સેન્ટ્રલ કૉન્ટ્રૅક્ટ A પ્લસ ગ્રેડનો કરવામાં આવે એવી સંભાવના છે. તેણે વર્તમાન સિરીઝની ૭ ઇનિંગ્સમાં ૩ સેન્ચુરીની મદદથી હાઇએસ્ટ ૫૨૧ રન બનાવ્યા છે. તેના શાનદાર પ્રદર્શનને કારણે ભારત ૭૧ વર્ષમાં પહેલી વખત ઑસ્ટ્રેલિયામાં ટેસ્ટ-સિરીઝ જીતવાની લગોલગ પહોંચી ગયું છે. A પ્લસ ગ્રેડવાળા ખેલાડીને ૭ કરોડ, A ગ્રેડવાળા ખેલાડીને પાંચ કરોડ રૂપિયા મળે છે જેમાં પુજારા અત્યારે છે. બી અને સી ગ્રેડવાળા ખેલાડીને અનુક્રમે ૩ અને ૧ કરોડ રૂપિયા મળે છે. ભારતીય ક્રિકેટ ર્બોડના એક સિનિયર અધિકારીએ નામ ન જણાવવાની શરતે જણાવ્યું કે વહીવટદારોના વડા વિનોદ રાય ટીમ મૅનેજમેન્ટ અને ટીમ સિલેક્ટર સાથે આ બાબતે ચર્ચા કરશે.
આ પણ વાંચોઃ IND vs AUS: પૂજારાની 17મી સદી, બનાવ્યા બે વર્લ્ડ રેકોર્ડ
ADVERTISEMENT
તેને A પ્લસ ગ્રેડનો સેન્ટ્રલ કૉન્ટ્રૅક્ટ આપીને અમે યુવાનોને ઉદાહરણ આપવા માગીએ છીએ કે ટેસ્ટ-ક્રિકેટને જ સૌથી વધુ મહkવ આપવું જોઈએ. A પ્લસ ગ્રેડનો સેન્ટ્રલ કૉન્ટ્રૅક્ટ ફક્ત ત્રણેય ર્ફોમેટ રમતા ખેલાડીઓને અપાય છે. શિખર ધવનને A પ્લસ ગ્રેડનો કૉન્ટ્રૅક્ટ નહીં મળી શકે કારણ કે તેની ટેસ્ટ-ટીમમાં આવવાની સંભાવના હવે નહીંવત છે. વહીવટદારો પૃથ્વી શૉ, મયંક અગરવાલ, લોકેશ રાહુલ અને રિષભ પંતના નામ પર વિચાર કરશે.