લૉર્ડ્સ ટેસ્ટ વખતે ૫૦ અબજ રૂપિયાની બેટ લાગી હતી
રવિ સવાણીએ અદાલતને એવું પણ કહ્યું હતું કે ‘સામાન્ય રીતે પાકિસ્તાન સામેની ભારતની એક મૅચ વખતે એકલા મુંબઈમાં ૨૦ કરોડ ડૉલર (૧૦ અબજ રૂપિયા)ની બેટ લાગતી હોય છે એ જોતાં લૉર્ડ્સની ગયા વર્ષની ટેસ્ટના સંદર્ભમાં વિશ્વભરનાં મુખ્ય શહેરોને ગણતરીમાં લઈએ તો ત્યારે કુલ ૧ અબજ ડૉલર (૫૦ અબજ રૂપિયા)ની બેટ લાગી જ હશે.’
પાકિસ્તાની પ્લેયરોએ લૉર્ડ્સની ટેસ્ટમાં જાણી જોઈને ત્રણ નો બૉલ ફેંકવાના સ્પૉટ-ફિક્સિંગમાં જે ભૂમિકા ભજવી હતી એમાં સલમાન બટ ઉપરાંત મોહમ્મદ આમિર અને મોહમ્મદ આસિફ વિરુદ્ધ તો તપાસ ચાલુ જ છે. કામરાન અકમલ તથા ઉમર અકમલ તેમ જ ફાસ્ટ બોલર વહાબ રિયાઝ અને ઇમરાન ફરહાત સહિત કુલ સાત પ્લેયરોનાં નામ એજન્ટ માજિદ મઝહરે કોર્ટને આપ્યા છે.
