° °

આજનું ઇ-પેપર
Sunday, 22 May, 2022


ન્યુઝ શોર્ટમાં : નડાલ બાદ નંબર વન જૉકોવિચને હરાવ્યો ૧૯ વર્ષના અલ્કારેજે

09 May, 2022 12:31 PM IST | New Delhi
Gujarati Mid-day Correspondent | feedbackgmd@mid-day.com

થોમસ કપમાં ૫-૦થી જીત સાથે ભારતીય ટીમનો પ્રારંભ અને વધુ સમાચાર

કાર્લોસ અલ્કારેજ

કાર્લોસ અલ્કારેજ

નડાલ બાદ નંબર વન જૉકોવિચને હરાવ્યો ૧૯ વર્ષના અલ્કારેજે

સ્પેનના ટીનેજર કાર્લોસ અલ્કારેજે હાલમાં ચાલી રહેલી મૅડ્રિડ ઓપનમાં બે દિગ્ગજોને હરાવીને સનસનાટી મચાવી છે. શુક્રવારે ક્વૉર્ટર ફાઇનલમાં તેના આદર્શ અને ભૂતપૂર્વ નંબર વન રાફેલ નડાલને હરાવ્યા બાદ શનિવારે રાતે વર્લ્ડ નંબર વન નોવાક જૉકોવિચને ૬-૭, ૭-૫, ૭-૬થી સાડાત્રણ કલાક ચાલેના સંઘર્ષ બાદ હરાવીને ફાઇનલમાં પ્રવેશ કરી લીધો હતો. આ સાથે નડાલ અને જૉકોવિચને એક ક્લે-કોર્ટ ઇવેન્ટમાં હરાવનાર અલ્કારેજ પ્રથમ ખેલાડી બન્યો હતો. ફાઇનલમાં હવે તેની ટક્કર સેકન્ડ ક્રમાંકિત અને હાલના ચૅમ્પિયન ઍલેક્ઝાન્ડર ઝ્‍વેરેવ સામે સામે થશે. ઝ્‍વેરેવે સેમી ફાઇનલમાં ચોથા ક્રમાંકિત સ્ટેફનોસ ત્સીત્સીપાસને ૬-૪, ૩-૬, ૬-૨થી માત આપી હતી. 

 

થોમસ કપમાં ૫-૦થી જીત સાથે ભારતીય ટીમનો પ્રારંભ

થાઇલૅન્ડના બૅન્ગકૉકમાં શરૂ થયેલી પુરુષ બૅડ્મિન્ટન ટુર્નામેન્ટ થોમસ કપમાં ભારતીય પુરુષ ટીમે જર્મની સામે સિંગલ્સ અને ડબલ્સ મુકાબલામાં ૫-૦થી શાનદાર જીત સાથે તેમના કૅમ્પેનની શરૂઆત કરી હતી. ભારતીય પુરુષ ટીમ ક્યારેય આ ટુર્નામેન્ટની સેમી ફાઇનલમાં પહોંચી શકી નથી. ગયા વર્ષે તેઓ ક્વૉર્ટર ફાઇનલમાં હારી ગયા હતા. 

 

જેબોર બની ચૅમ્પિયન

મૅડ્રિડ ઓપનમાં મહિલા સિંગલ્સનો તાજ આરબ ખેલાડી ઓન્સ જેબોરે જીતી લીધો છે. ટેનિસ સિંગલ્સ રૅન્કિંગમાં ટૉપ ટેનમાં પ્રવેશ કરનાર પ્રથમ આરબ ખેલાડીનું બનવાનું માન મેળવનાર ટ્યુનિશિયાની જેબોરે શનિવારે રાતે ફાઇનલમાં અમેરિકન ખેલાડી જેસિકા પેગુલાને ૭-૫, ૦-૬, ૬-૩થી હરાવીને કરીઅરનું બીજું ટાઇટલ જીતી લીધું હતું.  

09 May, 2022 12:31 PM IST | New Delhi | Gujarati Mid-day Correspondent

અન્ય લેખો

અન્ય સ્પોર્ટ્સ

કબડ્ડીમાં ભારત માટે વર્લ્ડ કપ જીતનાર ખેલાડી ઉદય ચૌટાનું નિધન

ઉદય ચૌટા કર્ણાટક સરકાર દ્વારા સ્થાપિત પ્રતિષ્ઠિત એકલવ્ય પુરસ્કાર સિવાય અનેક રાજ્ય અને જિલ્લા સ્તરના સન્માનો પ્રાપ્ત કરનાર હતા

21 May, 2022 06:48 IST | Mumbai | Gujarati Mid-day Online Correspondent
અન્ય સ્પોર્ટ્સ

News In Shorts: થાઇલૅન્ડ ઓપનની સેમી ફાઇનલમાં પહોંચી પી. વી. સિંધુ

ગઈ કાલે તેણે વિશ્વની નંબર વન ખેલાડી જપાનની અકાને યામાગુચીને ૨૧-૧૫, ૨૦-૨૨, ૨૧-૧૩થી હરાવી હતી.

21 May, 2022 02:37 IST | Mumbai | Gujarati Mid-day Correspondent
અન્ય સ્પોર્ટ્સ

લોકો કહેતા, ‘નિખતને ટૂંકાં કપડાં ન પહેરાવો’

હવે તે વર્લ્ડ ચૅમ્પિયન બની છે ત્યારે આ વાતને યાદ કરીને લાગણીશીલ થયા વર્લ્ડ ચૅમ્પિયન બૉક્સરના પપ્પા

21 May, 2022 01:58 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK