લુસીબેલો વૉરિયર્સે ૮ ઓવરમાં પાંચ વિકેટે ૭૦ રન બનાવ્યા બાદ સ્ટાર-XIએ ૭ ઓવરમાં માત્ર બે વિકેટના ભોગે ૭૧ રન બનાવીને વિજય મેળવ્યો હતો
શ્રી સૌરાષ્ટ્ર પટેલ સમાજની ક્રિકેટ ટુર્નામેન્ટમાં સ્ટાર-XI ચૅમ્પિયન
શ્રી સૌરાષ્ટ્ર પટેલ સમાજ, મુંબઈ દ્વારા તાજેતરમાં પોઇસર જિમખાનામાં આયોજિત ભંડેરી એસએસપીએલ ક્રિકેટ લીગ સીઝન-5માં સ્ટાર-XI ટીમ ચૅમ્પિયન બની હતી. આ ટેનિસ બૉલ ટુર્નામેન્ટની ફાઇનલમાં લુસીબેલો વૉરિયર્સે ૮ ઓવરમાં પાંચ વિકેટે ૭૦ રન બનાવ્યા બાદ સ્ટાર-XIએ ૭ ઓવરમાં માત્ર બે વિકેટના ભોગે ૭૧ રન બનાવીને વિજય મેળવ્યો હતો અને લુસીબેલો વૉરિયર્સ ટીમ રનર-અપ રહી હતી. આ સ્પર્ધા માટેની ૨૦ ટીમ માટેના કુલ ૨૪૦ પ્લેયર્સ ઑગસ્ટમાં ઑક્શનમાં મેળવવામાં આવ્યા હતા.
મુખ્ય ઇનામવિજેતા ખેલાડીઓ આ મુજબ હતા ઃ અક્ષય પટેલ (પ્લેયર ઑફ ટુર્નામેન્ટ), કેવિન સભાડિયા (બેસ્ટ બૅટર), ગિરીશ મુરાની (મૅન ઑફ ધ ફાઇનલ અને બેસ્ટ બોલર), કૃતાર્થ જાદવાની (ઇમર્જિંગ પ્લેયર), હિતેશ રામોલિયા (બેસ્ટ સ્ટ્રાઇક-રેટ) અને જિજ્ઞેશ ધામેલિયા (બેસ્ટ ઇકૉનૉમી બોલર).
