Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > News In Short : શાહીન આફ્રિદી ૯૦ ટકા રેડી : રમીઝ રાજા

News In Short : શાહીન આફ્રિદી ૯૦ ટકા રેડી : રમીઝ રાજા

14 October, 2022 12:39 PM IST | New Delhi
Gujarati Mid-day Correspondent | feedbackgmd@mid-day.com

પાકિસ્તાનની ટીમ ૧૭ અને ૧૯ ઑક્ટોબરે અનુક્રમે ઇંગ્લૅન્ડ અને અફઘાનિસ્તાન સામે રમશે.

શાહીન શાહ આફ્રિદી

ન્યુઝ શૉર્ટમાં

શાહીન શાહ આફ્રિદી


શાહીન આફ્રિદી ૯૦ ટકા રેડી : રમીઝ રાજા

પાકિસ્તાન ક્રિકેટ બોર્ડના ચૅરમૅન રમીઝ રાજાએ કહ્યું હતું કે ‘ફાસ્ટ બોલર શાહીન શાહ આફ્રિદી આગામી ટી૨૦ વર્લ્ડ કપ માટે ૯૦ ટકા રેડી છે, પરંતુ તે રમશે કે નહીં એનો નિર્ણય ઑસ્ટ્રેલિયામાં રમાનારી બે વૉર્મ-અપ મૅચ બાદ લેવામાં આવશે.’ ૨૨ વર્ષનો બોલર શનિવારે ઘૂંટણમાં થયેલી ઈજાની સારવાર બાદ ટીમ સાથે જોડાશે. પાકિસ્તાનની ટીમ ૧૭ અને ૧૯ ઑક્ટોબરે અનુક્રમે ઇંગ્લૅન્ડ અને અફઘાનિસ્તાન સામે રમશે. રાજાએ કહ્યું હતું કે ઘૂંટણની ઈજા એવી છે કે તમારે ઘણું ધ્યાન રાખવું પડે. પાકિસ્તાનની ટીમ ૨૩ ઑક્ટોબરે ભારત સામે પહેલી મૅચ રમશે. 



ડેવિડ વૉર્નર પર મુકાયેલો કૅપ્ટન્સીનો પ્રતિબંધ હટાવાશે


ઑસ્ટ્રેલિયન ક્રિકેટ બોર્ડ ડેવિડ વૉર્નર પર આચારસંહિતાના ઉલ્લંઘન બદલ કૅપ્ટન્સી પર આજીવન પ્રતિબંધને હટાવી શકે છે. આજે હોબાર્ટમાં મળનારી બેઠકમાં આ વિશેનો નિર્ણય લેવામાં આવશે. કૅપ ટાઉનમાં ૨૦૧૮માં રમાયેલી મૅચ દરમ્યાન બૉલ સાથે ચેડાં કરવા બદલ સ્ટીવ સ્મિથ અને કૅમરોન બૅનક્રોફ્ટ પર પણ પ્રતિબંધ મૂકવામાં આવ્યો હતો. વૉર્નર ૧૦૦ કરતાં વધુ ઇન્ટરનૅશનલ ટી૨૦ રમી ચૂક્યો છે. ઉપરાંત તેણે ૨૦૧૬માં આઇપીએલમાં કૅપ્ટન તરીકે હૈદરાબાદની ટીમને ચૅમ્પિયન બનાવી હતી.


Whatsapp-channel Whatsapp-channel

14 October, 2022 12:39 PM IST | New Delhi | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK