રામનાથ કોવિંદની અધ્યક્ષતામાં કેન્દ્રએ રચી ‘એક રાષ્ટ્ર, એક ચૂંટણી’ સમિતિ

પૂર્વ રાષ્ટ્રપતિ રામ નાથ કોવિંદની આગેવાની હેઠળ `એક રાષ્ટ્ર, એક ચૂંટણી` સમિતિની રચના કરવાના કેન્દ્ર સરકારના નિર્ણયે ઉગ્ર ચર્ચાને વેગ આપ્યો છે. વિવેચકોએ ભૂતપૂર્વ રાષ્ટ્રપતિની નિમણૂક પર પ્રશ્ન ઉઠાવ્યા હતા. કેન્દ્ર સરકારે 01 સપ્ટેમ્બરે ‘એક રાષ્ટ્ર, એક ચૂંટણી’ સમિતિની રચના કરી હતી. પૂર્વ રાષ્ટ્રપતિ રામનાથ કોવિંદની અધ્યક્ષતામાં આ સમિતિની રચના કરવામાં આવી છે. કેન્દ્રીય સંસદીય મંત્રી પ્રહલાદ જોશીએ વિપક્ષને વિગતવાર ચર્ચા કરવા કહ્યું. કેન્દ્ર સરકારે 18-22 સપ્ટેમ્બર દરમિયાન સંસદનું વિશેષ સત્ર બોલાવવાનો નિર્ણય કર્યો છે.