જેની ક્લિપ વાઇરલ થઈ છે
Offbeat
તસવીર સૌજન્ય : સોશ્યલ મીડિયા
એક માતા પોતાના સંતાન માટે કંઈ પણ કરી શકે છે, ભલે પછી એ માતા કોઈ મનુષ્યની હોય કે જિરાફની. કુદરતે એનામાં એ લાગણી મૂકી જ છે. આવું જ એક દૃશ્ય તાજેતરમાં આફ્રિકાના જંગલમાં જોવા મળ્યું હતું, જેની ક્લિપ વાઇરલ થઈ છે. વિડિયોમાં જિરાફનું એક બચ્ચું જોવા મળે છે. અચાનક એક સિંહ ત્યાં આવે છે. બચ્ચું શરૂઆતમાં બચવાનો પ્રયાસ કરે છે, પણ આખરે હારી જાય છે. અચાનક ત્યાં માદા જિરાફ દોડી આવે છે જેને જોઈને સિંહ પોતાનો શિકાર ત્યાં જ મૂકીને જીવ બચાવવા નાસી છૂટે છે. માતાનું આ પરાક્રમ વિડિયોમાં કેદ થઈ ગયું છે. જિરાફ દોડીને પોતાના બચ્ચાને મોતના મુખમાંથી ઉગારી લે છે.
