° °

આજનું ઇ-પેપર
Thursday, 23 March, 2023


વિશ્વના સૌથી ઠીંગણા બૉડી-બિલ્ડરના તેની ડ્રીમ વુમન સાથે લગ્ન

19 March, 2023 09:41 AM IST | Mumbai
Gujarati Mid-day Correspondent | feedbackgmd@mid-day.com

મહારાષ્ટ્રના રાયગડ જિલ્લાના ૨૮ વર્ષના પ્રતીક વિઠ્ઠલ મોહિતે જન્મથી જ વિકલાંગ હતો અને પોતાને સાબિત કરવા તેણે જીવનભર સંઘર્ષ કરવો પડ્યો હતો

વિશ્વના સૌથી ઠીંગણા બૉડી-બિલ્ડરના તેની ડ્રીમ વુમન સાથે લગ્ન

વિશ્વના સૌથી ઠીંગણા બૉડી-બિલ્ડરના તેની ડ્રીમ વુમન સાથે લગ્ન

માત્ર ત્રણ ફુટ ચાર ઇંચ (૧૦૨ સેન્ટિમીટર)નું કદ ધરાવતા વિશ્વના સૌથી ઠીંગણા બૉડી-બિલ્ડરે ચાર ફુટ બે ઇંચ (૧૨૭ સેન્ટિમીટર)નું કદ ધરાવતી તેની ડ્રીમ વુમન સાથે લગ્ન કર્યાં. લોકોની મજાકનું પાત્ર બનેલો આ ઠીંગણો હવે ઇન્સ્ટાગ્રામ-સ્ટાર છે.

મહારાષ્ટ્રના રાયગડ જિલ્લાના ૨૮ વર્ષના પ્રતીક વિઠ્ઠલ મોહિતે જન્મથી જ વિકલાંગ હતો અને પોતાને સાબિત કરવા તેણે જીવનભર સંઘર્ષ કરવો પડ્યો હતો. તેના જીવનમાં પણ કોઈ આવી શકે છે એ વિશે પ્રતીક આશાવાદી નહોતો. જોકે પરિવારજનોની શોધખોળ બાદ ચાર વર્ષ પહેલાં તે જયાને મળ્યો, જે પોતે પણ ઠીંગણું કદ ધરાવતી હતી. જોકે એ વખતે પ્રતીક લગ્ન માટે તૈયાર નહોતો. તે પોતાની જીવનસાથીને એ તમામ ભૌતિક સુખ આપવા માગતો હતો જે એક સામાન્ય માનવીનું સ્વપ્ન હોય છે.

જયાને મળ્યા પછી પ્રતીકે તનતોડ મહેનત કરી પોતાને વિશ્વના સૌથી ઠીંગણા બૉડી-બિલ્ડર તરીકે સ્થાપિત કરી ગિનેસ વર્લ્ડ રેકૉર્ડમાં સ્થાન મેળવ્યું. ૫૦ સ્પર્ધામાં ભાગ લીધા બાદ હવે પ્રતીક પર્સનલ ટ્રેઇનર છે.

ઇન્સ્ટાગ્રામ પર બે લાખ ફૉલોઅર્સ ધરાવતા પ્રતીકે ગયા ડિસેમ્બરમાં પોતાના ગ્રોથથી સંતુષ્ટ થઈ લગ્નની તૈયારી દાખવતાં ૧૩ માર્ચે બન્નેએ પરિવારજનો અને મિત્રોની હાજરીમાં લગ્ન કર્યાં હતાં. 

19 March, 2023 09:41 AM IST | Mumbai | Gujarati Mid-day Correspondent

અન્ય લેખો

ચિત્ર-વિચિત્ર

વ્હીલચૅરનું વિશાળ જીપીએસ ડ્રૉઇંગ

ડ્રૉઇંગ ૮.૭૧ કિલોમીટરનું અતર આવરી લે અને એને પૂર્ણ કરવામાં તેને ૨૪ કલાકથી વધુ સમય લાગ્યો હતો

23 March, 2023 11:53 IST | Dubai | Gujarati Mid-day Correspondent
ચિત્ર-વિચિત્ર

મગરમચ્છે કરી આઇસબૉક્સની ચોરી

તાજેતરમાં વૃદ્ધોનું એક ગ્રુપ ખાનગી પ્રાકૃતિક રિઝર્વમાં પિકનિક મનાવવા ગયું હતું,

23 March, 2023 11:51 IST | Cape Town | Gujarati Mid-day Correspondent
ચિત્ર-વિચિત્ર

ડિઝની સુપરફૅને માત્ર ૧૨ દિવસમાં ડિઝની ગ્લોબલ રાઇડ ચૅલેન્જ પૂર્ણ કરી

ડિઝની ગ્લોબલ રાઇડ ચૅલેન્જ પૂર્ણ કરવાનો પ્રયાસ કરવાના નિર્ણયની જાહેરાત કરવા યુટ્યુબ પર પોસ્ટ કરેલા વિડિયોમાં તેણે કહ્યું કે ૨૦૧૮માં મેં એક જ દિવસમાં ડિઝનીલૅન્ડની બધી રાઇડનો આનંદ માણ્યા બાદ બીજા દિવસે ફરીથી એમ કર્યું હતું

23 March, 2023 11:47 IST | Florida | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK