આ ગ્રૅજ્યુએટ છે એક સ્ટુડન્ટનો ડૉગ
તસવીર સૌજન્ય : સોશ્યલ મીડિયા
ન્યુ જર્સીમાં ૨૨મી મેએ સેટોન હૉલ યુનિવર્સિટીની ગ્રૅજ્યુએશન સેરેમનીમાં એક ખૂબ જ સ્પેશ્યલ ગ્રૅજ્યુએટને ડિપ્લોમાની ડિગ્રી આપવામાં આવી હતી. આ ગ્રૅજ્યુએટ છે એક સ્ટુડન્ટનો ડૉગ. યુનિવર્સિટી દ્વારા ટ્વીટ કરવામાં આવેલા એક વિડિયોમાં જોવા મળ્યું હતું કે ગ્રેસ મારિયાની અને તેના ડૉગ જસ્ટિનને સેટોન હૉલના જોસેફ ઈ નાયરે દ્વારા ડિગ્રી આપવામાં આવી હતી. મારિયાનીએ બૅચલર્સ ઑફ સાયન્સ ઇન એજ્યુકેશનની ડિગ્રી મેળવી હતી, જ્યારે જસ્ટિનને એના માલિકના તમામ ક્લાસિસને અટેન્ડ કરવા બદલ ઑનરરી ડિપ્લોમાની પદવી આપવામાં આવી હતી.
