° °

આજનું ઇ-પેપર
Friday, 24 March, 2023


વર્લ્ડ રેકૉર્ડ માટે ૧૦૦ દિવસ પાણીની અંદર રહેશે પ્રોફેસર

18 March, 2023 09:42 AM IST | Florida
Gujarati Mid-day Correspondent | feedbackgmd@mid-day.com

યુનિવસિર્ટી ઑફ સાઉથ ફ્લૉરિડામાં બાયોમેડિકલ એન્જિનિયરિંગ પ્રોફેસર જોસેફ દિતુરી સૌથી વધુ દિવસ પાણીમાં રહેવાનો વર્લ્ડ રેકૉર્ડ તોડવા માગે છે

વર્લ્ડ રેકૉર્ડ માટે ૧૦૦ દિવસ પાણીની અંદર રહેશે પ્રોફેસર

વર્લ્ડ રેકૉર્ડ માટે ૧૦૦ દિવસ પાણીની અંદર રહેશે પ્રોફેસર

ફ્લૉરિડાના એક પ્રોફેસર છેલ્લાં બે સપ્તાહથી પાણીની અંદર જીવી રહ્યા છે. જૂન મહિના સુધી સપાટી પર ન આવવાની તેમની યોજના છે. યુનિવસિર્ટી ઑફ સાઉથ ફ્લૉરિડામાં બાયોમેડિકલ એન્જિનિયરિંગ પ્રોફેસર જોસેફ દિતુરી સૌથી વધુ દિવસ પાણીમાં રહેવાનો વર્લ્ડ રેકૉર્ડ તોડવા માગે છે. અગાઉ ૭૩ દિવસનો રેકૉર્ડ ૨૦૧૪માં ટેનેસીના બે પ્રોફેસરોએ બનાવ્યો હતો. જોસેફ દિતુરી ફ્લૉરિડાની નજીક ૨૫ ફુટ નીચે એક વિશેષ ઘરમાં ૧૦૦ દિવસ સુધી જીવવાનો પ્રયાસ કરી રહ્યા છે. પહેલી માર્ચથી શરૂ થયેલા તેમના સાહસના ૧૫મા દિવસે પ્રોફેસરે ‘યુએસએ ટુડે’ સાથે ઝૂમ કૉલ પર વાત કરી હતી. તેમણે દરિયાની અંદર જીવવાના લાભ, પડકાર અને આશ્ચર્યજનક બાબતો વિશે વાત કરી હતી. પાણીની અંદર રહેતા દિતુરીનો હેતુ નવો રેકૉર્ડ બનાવવાનો નહીં, પરંતુ માનવશરીર અત્યંત દબાણમાં લાંબા ગાળા સુધી રહેવામાં કેવી પ્રતિક્રિયા આપે છે એનો અભ્યાસ કરવાનો છે.

૧૦૦ ચોરસ ફુટના ઘરમાં રહેવાનું શરૂ કરતાં પહેલાં પ્રોફેસરે માનસિક અને શારીરિક તપાસ કરાવી હતી. તેમણે પાણીની અંદર રહેવાનું શરૂ કર્યું ત્યાર બાદ પણ તેમની વિવિધ ટેસ્ટ ડૉક્ટરોએ કરી છે. પ્રોજેક્ટનો કુલ ખર્ચ ૨,૫૦,૦૦૦ ડૉલર (અંદાજે બે કરોડ રૂપિયા)નો છે. મહિનાઓ સુધી એકલતા અને બંધિયાર વાતાવરણમાં રહેવાથી એની મનોવૈજ્ઞાનિક અસરો અને દબાણ હેઠળ જીવવાથી આયુષ્ય વધી શકે તથા અમુક રોગોને અટકાવી શકાય કે નહીં એ શોધવાનો છે. ૨૮ વર્ષ સુધી નૌકાદળમાં કામ કરતી વખતે વારંવાર વિદેશમાં તહેનાત રહેતા દિતુરીને પ્રિયજનોથી દૂર રહેવાની આદત પડી ગઈ છે. નાનાં બાળકો શ્વાસ રોકીને ઘણી વખત તેમને હેલો કહેવા માટે આવે છે. પ્રોફેસરના ઘરમાં એક બેડ, બાથરૂમ અને તાજા પાણીનો ફુવારો છે. કિચનમાં સૌથી મહત્ત્વની વસ્તુ કૉફી-મેકર છે. તેમની પાસે માઇક્રોવેવ પણ છે, પરંતુ દબાણવાળી સ્થિતિને કારણે તેઓ વધારે રસોઈ બનાવતા નથી. જોકે અહીં આવનાર લોકો પ્રોફેસર માટે તાજો ખોરાક લઈ આવે છે. 

18 March, 2023 09:42 AM IST | Florida | Gujarati Mid-day Correspondent

અન્ય લેખો

ચિત્ર-વિચિત્ર

વ્હીલચૅરનું વિશાળ જીપીએસ ડ્રૉઇંગ

ડ્રૉઇંગ ૮.૭૧ કિલોમીટરનું અતર આવરી લે અને એને પૂર્ણ કરવામાં તેને ૨૪ કલાકથી વધુ સમય લાગ્યો હતો

23 March, 2023 11:53 IST | Dubai | Gujarati Mid-day Correspondent
ચિત્ર-વિચિત્ર

મગરમચ્છે કરી આઇસબૉક્સની ચોરી

તાજેતરમાં વૃદ્ધોનું એક ગ્રુપ ખાનગી પ્રાકૃતિક રિઝર્વમાં પિકનિક મનાવવા ગયું હતું,

23 March, 2023 11:51 IST | Cape Town | Gujarati Mid-day Correspondent
ચિત્ર-વિચિત્ર

ડિઝની સુપરફૅને માત્ર ૧૨ દિવસમાં ડિઝની ગ્લોબલ રાઇડ ચૅલેન્જ પૂર્ણ કરી

ડિઝની ગ્લોબલ રાઇડ ચૅલેન્જ પૂર્ણ કરવાનો પ્રયાસ કરવાના નિર્ણયની જાહેરાત કરવા યુટ્યુબ પર પોસ્ટ કરેલા વિડિયોમાં તેણે કહ્યું કે ૨૦૧૮માં મેં એક જ દિવસમાં ડિઝનીલૅન્ડની બધી રાઇડનો આનંદ માણ્યા બાદ બીજા દિવસે ફરીથી એમ કર્યું હતું

23 March, 2023 11:47 IST | Florida | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK