પાળેલા ડૉગીનો મલયાલી વેશમાં ફોટો ફેસબુક-ટ્વિટર પર વાઇરલ
તાજેતરમાં ફેસબુક પર એક પાળેલા ડૉગીનો મલયાલી વેશમાં ફોટો પોસ્ટ કરવામાં આવ્યો અને એ ફોટો ખૂબ વાઇરલ થયો. ચીબા નાકવાળી જાતિ (pug-પગ)ના શ્વાનને ટ્રેડિશનલ મલયાલી પહેરવેશમાં જોઈને સૌ ખુશ થયા અને લોકોએ ફેસબુક ઉપરાંત ટ્વિટર પર પણ એ ફોટો ખૂબ શૅર કર્યો. સોહામણો ડૉગી પરણવાની ઉમેદવારી કરતો મુરતિયો હોય એ રીતે પણ ફોટો વિશે ઘણાએ કમેન્ટ્સ કરી. એક જણે પૂછ્યું ,‘લુક્સ મેં હમ નહીં માનતે. ઇસ પગ કી પગાર ક્યા હૈ?’ ઘણા તેને માટે કન્યા શોધતા હોય એ રીતે અન્યોને ટૅગ કરતા હતા અને મોજમસ્તી-કટાક્ષની ટિપ્પણો કરતા હતા. આ પોસ્ટ હજી વાઇરલ છે.
