થેરિયન શબ્દ એવા લોકો માટે વપરાય છે જેઓ પોતાને મનુષ્ય નથી માનતા અને કોઈ પ્રાણી તરીકે ઓળખાવે છે.
પ્રતીકાત્મક તસવીર
બાળકો રમતમાં પ્રાણીઓ જેવા પોશાક પહેરે કે એના જેવું વર્તન કરે તો પેરન્ટ્સ એનો આનંદ લે છે. જોકે એક મહિલા તેની ૯ વર્ષની દીકરીના આવા વર્તનથી પરેશાન છે, કેમ કે તે પોતાને થેરિયન માનવા માંડી છે. થેરિયન શબ્દ એવા લોકો માટે વપરાય છે જેઓ પોતાને મનુષ્ય નથી માનતા અને કોઈ પ્રાણી તરીકે ઓળખાવે છે. સોશ્યલ મીડિયાના રેડિટ નામના પ્લૅટફૉર્મ પર આ મહિલાએ જણાવ્યું હતું કે ‘મારી દીકરી ઇચ્છે છે કે હું તેની સાથે પ્રાણી જેવું વર્તન કરું. સ્કૂલમાં પણ કેટલાંક બાળકો તેને માટે વિચિત્ર અને ફરી (રુવાંટીદાર) જેવા શબ્દનો ઉપયોગ કરે છે. હું ઇચ્છીશ કે તેની સાથે કંઈક અયોગ્ય ઘટના ન બને.’
