Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > ઉજ્જૈનમાં ૧૨ વર્ષની છોકરી પર બળાત્કાર, ફાટેલાં કપડે મદદ માટે ભીખ માગતી રહી

ઉજ્જૈનમાં ૧૨ વર્ષની છોકરી પર બળાત્કાર, ફાટેલાં કપડે મદદ માટે ભીખ માગતી રહી

28 September, 2023 08:30 AM IST | Ujjain
Gujarati Mid-day Correspondent | feedbackgmd@mid-day.com

તેણે પોલીસને જણાવ્યું હતું કે તેની મમ્મીની સાથે પણ ખોટું કામ થયું છે

પ્રતીકાત્મક તસવીર

Crime News

પ્રતીકાત્મક તસવીર


મધ્ય પ્રદેશના ઉજ્જૈનમાં ૧૨ વર્ષની એક છોકરી પર ક્રૂરતાની તમામ હદ પાર કરવામાં આવી. આ છોકરી પર રેપ કરવામાં આવ્યો. તેનાં કપડાં પણ રેપિસ્ટ્સે ફાડી નાખ્યાં. એ ફાટેલાં કપડાંમાં પોતાના શરીરને કોઈ રીતે છુપાવવાની કોશિશ કરતી જોવા મળી. તે બરાબર ચાલી પણ નહોતી શકતી. કોઈ રીતે તે એક ઘરની પાસે પહોંચે છે, પરંતુ એ ઘરમાં રહેલી વ્યક્તિને તેની હાલત જોઈને કોઈ ફરક પડતો નથી. તેણે આ છોકરીને શરીર ઢાંકવા માટે એક કપડું પણ નહોતું આપ્યું. તેના પ્રાઇવેટ પાર્ટ્સમાં ગંભીર ઈજા થઈ છે. તેણે પોલીસને જણાવ્યું હતું કે તેની મમ્મીની સાથે પણ ખોટું કામ થયું છે. સોમવારે સાંજે દાંડી આશ્રમની પાસે આ છોકરી મળી હતી. તેનાં કપડાં પર લોહી હતું.  એ છોકરી એવી જ ખરાબ હાલતમાં આગળ વધે છે. બાદમાં એના વિશે પોલીસને જાણ કરવામાં આવી અને એ છોકરીને સારવાર માટે હૉસ્પિટલમાં પહોંચાડવામાં આવી હતી. આ છોકરીની સ્થિતિ હજી ગંભીર છે. પોલીસે આ મામલે એક શકમંદને કસ્ટડીમાં લીધો છે.

સિનિયર પોલીસ ઑફિસર સચિન શર્માએ જણાવ્યું હતું કે આ છોકરીના મેડિકલ એક્ઝામિનેશનથી તેનો રેપ થયો હોવાનું કન્ફર્મ થયું છે. તે અત્યારે પોલીસને તેનું નામ અને સરનામું જણાવવાની સ્થિતિમાં નથી. આ છોકરીની ભાષાના આધારે જણાય છે કે  તે ઉત્તર પ્રદેશના પ્રયાગરાજની આસપાસના વિસ્તારની છે.



મધ્ય પ્રદેશના ગૃહપ્રધાન નરોત્તમ મિશ્રાએ કહ્યું હતું કે એસઆઇટીની રચના કરવામાં આવી છે. 


Whatsapp-channel Whatsapp-channel

28 September, 2023 08:30 AM IST | Ujjain | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK