Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > ચંડીગઢ ઍરપોર્ટ પર CISFની મહિલા જવાને કંગના રનૌતને લાફો મારી દીધો

ચંડીગઢ ઍરપોર્ટ પર CISFની મહિલા જવાને કંગના રનૌતને લાફો મારી દીધો

07 June, 2024 09:10 AM IST | Chandigrah
Gujarati Mid-day Correspondent | feedbackgmd@mid-day.com

કિસાન આંદોલન વખતના ઍક્ટ્રેસના નિવેદનથી નારાજ હતી

કંગનાને તમાચો મારનાર કુલદીપ કૌર

કંગનાને તમાચો મારનાર કુલદીપ કૌર


હિમાચલ પ્રદેશની મંડી બેઠક પરથી લોકસભાની ચૂંટણી જીત્યાના બે દિવસ પછી કંગનાને ચંડીગઢ ઍરપોર્ટ પર કડવો અનુભવ થયો છે. ગુરુવારે ઍરપોર્ટ પર સેન્ટ્રલ ઇન્ડસ્ટ્રિયલ સિક્યૉરિટી ફોર્સ (CISF)ની મહિલા જવાને કંગના રનૌતને થપ્પડ મારી હતી. આ મહિલા જવાને કિસાન આંદોલન વિશે ૨૦૨૦માં કંગનાએ કરેલા નિવેદનથી નારાજ થઈને તેને લાફો માર્યો હોવાનું સામે આવ્યું હતું. કુલદીપ કૌર નામની આ મહિલાએ થપ્પડ માર્યા બાદ આસપાસના લોકોને કહ્યું હતું કે ‘કિસાન આંદોલનમાં ૧૦૦-૧૦૦ રૂપિયા આપીને મહિલાઓને ધરણા પર બેસાડવામાં આવે છે એવું કંગનાએ કહ્યું હતું. એ દિવસે મારી મમ્મી પણ ધરણા કરી રહી હતી.’

બાદમાં આ મહિલા જવાનને CISF દ્વારા સસ્પેન્ડ કરવામાં આવી હતી તથા તેની સામે પોલીસ-ફરિયાદ પણ કરવામાં આવી હતી. ઉલ્લેખનીય છે કે ચાર વખત નૅશનલ અવૉર્ડ જીતી ચૂકેલી કંગનાએ કિસાન આંદોલન તથા સિટિઝન અમેન્ડમેન્ટ ઍક્ટ (CAA) વિરોધી આંદોલનમાં સામેલ મહિલાઓની આકરી ટીકા કરી હતી. અમેરિકાના ટાઇમ મૅગેઝિને CAAના આંદોલનમાં સામેલ બે મહિલાને કવરપેજ પર સ્થાન આપ્યું હતું. 



કંગનાએ શું પ્રતિભાવ આપ્યો?


ઍરપોર્ટની ઘટના બાદ કંગનાએ સોશ્યલ મીડિયા પર એક વિડિયો પ્રસારિત કર્યો હતો. તેણે કહ્યું હતું કે ઍરપોર્ટ પર એક મહિલા જવાને મારા ગાલને ઈજા પહોંચાડી છે, પણ હું સુરક્ષિત છું; જોકે મને એ વાતની ચિંતા છે કે પંજાબમાં આતંકવાદ વધી રહ્યો છે.


Whatsapp-channel Whatsapp-channel

07 June, 2024 09:10 AM IST | Chandigrah | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK