ઘટનાને લઈને શહઝાદ પૂનાવાલાએ કહ્યું હતંુ કે મારી મમ્મીની સાથે આ ઉંમરે જે થયું છે એનાથી મન અંદરથી કચવાય છે.
પેટ્રોલ-પમ્પ પર થયેલો અકસ્માત.
BJPના પ્રવક્તા શહઝાદ પૂનાવાલાનાં ૭૫ વર્ષનાં મમ્મી મંગળવારે સાંજે સાડાપાંચ વાગ્યે પુણેમાં રીજનલ ટ્રાન્સપોર્ટ ઑફિસ (RTO) નજીક આવેલા પેટ્રોલ-પમ્પ પર હિટ ઍન્ડ રન ઘટનામાં જખમી થયાં હતાં. કારમાં CNG ભરાતું હતું એ દરમ્યાન પેટ્રોલ-પમ્પના પરિસરમાં ઊભા હતાં ત્યારે અજાણ્યા વાહને તેમને અડફેટે લીધા બાદ વાહનચાલક ફરાર થઈ ગયો હતો. આ મામલે સ્થાનિક પોલીસે ફરિયાદ નોંધીને વધુ તપાસ હાથ ધરી છે.
શહઝાદ પૂનાવાલાએ કહ્યું હતું કે ‘મારાં મમ્મી ડ્રાઇવર સાથે કારમાં હતાં એ સમયે CNG ભરતી વખતે તેઓ પેટ્રોલ-પમ્પ પરિસરમાં ઊભાં હતાં ત્યારે એક કારે તેમને ટક્કર મારી હતી એટલું જ નહીં, કાર-ડ્રાઇવરે ઊભા રહી મદદ કરવાનો પણ પ્રયત્ન કર્યો નહોતો. ઘટના બાદ મમ્મીને તાત્કાલિક પુણેની એક ખાનગી હૉસ્પિટલમાં દાખલ કરવામાં આવ્યાં હતાં જ્યાં ડૉક્ટરોએ હિપ-ફ્રૅક્ચર હોવાનું નિદાન કર્યું હતું. આગામી એક-બે દિવસમાં સર્જરી કરવાની શક્યતા છે.’
ADVERTISEMENT
ઘટનાને લઈને શહઝાદ પૂનાવાલાએ કહ્યું હતંુ કે મારી મમ્મીની સાથે આ ઉંમરે જે થયું છે એનાથી મન અંદરથી કચવાય છે. શહઝાદના પૉલિટિકલ ઍનલિસ્ટ ભાઈ તહસીન પૂનાવાલાએ અગાઉ મળેલી ધમકીઓનો ઉલ્લેખ કરીને પોલીસને ગંભીર તપાસ કરવાની અરજ કરી છે. ગઈ કાલે પોલીસ-ફરિયાદ નોંધાવી પેટ્રોલ-પમ્પ તથા આસપાસનાં CCTV કૅમેરાનાં ફુટેજના આધારે ફરાર કાર શોધવામાં આવી રહી છે.
