° °

આજનું ઇ-પેપર
Friday, 16 April, 2021

મુંબઈ: વીજદરમાં આવતા એક વર્ષ સુધી 1થી 2 ટકાનો ઘટાડો

05 March, 2021 09:59 AM IST | Mumbai | Dharmendra Jore

મુંબઈ: વીજદરમાં આવતા એક વર્ષ સુધી 1થી 2 ટકાનો ઘટાડો

ફાઈલ તસવીર.

ફાઈલ તસવીર.

કોરોનાની મહામારીને કારણે આર્થિક રીતે નબળી પડી ગયેલી રાજ્યની જનતા માટે સારા સમાચાર છે. ૧ એપ્રિલથી વીજળીના દરમાં ૧થી ૨ ટકા જેટલો ઘટાડો થવાનો છે. વળી આ ઘટાડો આવતા માર્ચ મહિના સુધી રહેશે. માન્યું કે વીજદરમાં ઘટાડો બહુ મામૂલી છે, પણ એટલી રાહત પણ સામાન્ય જનતા માટે તો આવકાર્ય જ છે. સરકારની મધ્યસ્થી વગર મહારાષ્ટ્ર ઇલેક્ટ્રિસિટી રેગ્યુલેટરી કમિશન (મર્ક)ના ગયા વર્ષે બહાર પડેલા મલ્ટિ-યર ટૅરિફ ઑર્ડરને કારણે શક્ય બન્યું છે, આમ રાહતનો લાભ લોકોને મળશે.

કોરોનાકાળમાં વધીને આવેલાં વીજળીનાં બિલ બાબતે અનેક ફરિયાદો થઈ હતી, આંદોલન પણ થયાં હતાં. રાજ્ય સરકાર આ સંદર્ભે કઈ રીતે લોકોને રાહત આપી શકાય એ માટેના પ્રયાસ કરી રહી હતી. એક તબક્કે તો રાહત આપવાનું ઊર્જાપ્રધાને જાહેર પણ કરી દીધું હતું, પણ ત્યાર બાદ એ રાહતને કારણે સરકારની તિજોરી પર પડનારા બોજને લક્ષમાં લેતાં એ નિર્ણય ફેરવી તોળાયો હતો.

આજ અઠવાડિયાની શરૂઆતમાં વિધાનસભાના સત્રમાં વિપક્ષ દ્વારા આ બાબતે જોરદાર રજૂઆત કરવામાં આવતાં નાયબ મુખ્ય પ્રધાન અજિત પવારે વીજ-કંપનીઓને કહ્યું કે આ બાબતે ચર્ચા કરીને અમે નિર્ણય લઈશું ત્યાં સુધી કોઈનાં વીજળનાં કનેક્શન કાપવા નહીં.

મુંબઈની એક પ્રાઇવેટ કંપનીએ આ બાબતે ‘મિડ-ડે’ને કહ્યું હતું કે તેઓ મર્કના આદેશથી બંધાયેલા છે અને જો મર્ક કહેશે તો જ તેમણે એ દરને અનુસરવા પડશે. કંપનીઓ દ્વારા તએના જનરેશન અને પ્રૉક્યોરમેન્ટને ગણતરીમાં લઈને મર્ક દ્વારા પ્રોસીજર પ્રમાણે દર પાંચ વર્ષે વીજદરમાં વધારો કો ઘટાડો નક્કી કરાય છે. મલ્ટિ લેયર ઑર્ડર્સમાં દરેક કૅટેગરીના ગ્રાહકોના ભાવ દર વર્ષે બદલાય છે. જો સરકાર કૉમ્પેન્સેટ કરવાની ખાતરી આપતી હોય કે પછી ભવિષ્યમાં હાલમાં અપાયેલા ડિસ્કાઉન્ટની વસૂલી કરવાની મંજૂરી આપે તો પણ દરમાં રાહત આપી શકાય છે.

05 March, 2021 09:59 AM IST | Mumbai | Dharmendra Jore

અન્ય લેખો

મુંબઈ સમાચાર

મુંબઈ: બ્રેક ધ ચેઇન ઇફેક્ટ : રસ્તાઓ પર બહુ જ પાંખી અવરજવર

કોરોનાને રોકવા સરકાર દ્વારા કડક પ્રતિબંધ લગાડવામાં આવ્યા હોવાથી ફરી એક વાર મુંબઈગરાનું જીવન સ્થગિત થઈ ગયું છે અને એ દેખાઈ રહ્યું છે. ટ્રેનોમાં માત્ર અત્યાવશ્યક સેવા, સરકારી કર્મચારીઓ અને બહુ જ જરૂરી કામ હોય તો જ લોકો પ્રવાસ કરે છે. રસ્તાઓ પણ ખાલીખમ

16 April, 2021 12:33 IST | Mumbai | Bakulesh Trivedi
મુંબઈ સમાચાર

પોલીસ સાથે ગેરવર્તન કરવાના અને અપશબ્દ બોલવાના આરોપસર મુલુંડના વેપારીની ધરપકડ

પોતાની ફરજ બજાવી રહેલા ટ્રાફિક પોલીસના અધિકારીઓ સાથે ગેરવર્તન કરવા બદલ મુલુંડ પોલીસે એક વેપારીની ધરપકડ કરી છે.

16 April, 2021 12:30 IST | Mumbai | Mehul Jethva
મુંબઈ સમાચાર

કોરોનાનો ખોટો નેગેટિવ રિપોર્ટ બનાવવાના આરોપસર લૅબના ટેક્નિશ્યનની થઈ ધરપકડ

લોકો પાસેથી રિપોર્ટદીઠ ૧૦૦૦ રૂપિયા લઈને કોઈ પણ જાતની ટેસ્ટ વિના મોબાઇલ પર મોકલી આપતો

16 April, 2021 12:50 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK