Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > Mumbai Fire: મલાડમાં બહુમાળી રહેણાંક ઈમારતમાં ભભૂકી આગ, ઘટના પાછળનું કારણ અકબંધ

Mumbai Fire: મલાડમાં બહુમાળી રહેણાંક ઈમારતમાં ભભૂકી આગ, ઘટના પાછળનું કારણ અકબંધ

03 December, 2022 01:29 PM IST | Mumbai
Gujarati Mid-day Online Correspondent | gmddigital@mid-day.com

ઘટના અંગે માહિતી મળતા જ 8 ફાયર ટીમની ગાડીઓ ઘટનાસ્થળે પર પહોંચી ગઈ હતી.

પ્રતીકાત્મક તસવીર

પ્રતીકાત્મક તસવીર


મુંબઈ(Mumbai)ના મલાડ(Malad)વિસ્તારમાં એક રહેણાંક બિલ્ડિંગમાં ભીષણ આગ ફાટી નિકળી છે. આ આગ બહુમાળી ઈમારત લાગી છે. આ વચ્ચે CFO મુંબઈએ કહ્યું કે આ ઈમારત 21 માળની છે. આના ત્રીજા માળ પર આગ લાગી હતી. આગ પર હાલ કાબૂ મેળવી લેવામાં આવ્યો છે. મલાડ વેસ્ટના જનકલ્યાણ નગર માલવણી વિસ્તારની આ ઘટના છે. મળતી જાણકારી મુજબ ઘટના અંગે માહિતી મળતા જ 8 ફાયર ટીમની ગાડીઓ ઘટનાસ્થળે પર પહોંચી ગઈ હતી. ત્યાર બાદ આગ પર કાબૂ  મેળવવામાં આવ્યો હતો. સીએફઓએ જણાવ્યું કે હજી સુધી કોઈ ઘાયલ થયા હોવાની સુચના નથી. કુલિંગ ઓપરેશન બાદ સર્ચ ઓપરેશન ત્રીજા માળે અને ઉપરના માળે ચલાવવામાં આવશે. 

ઈમારતમાં આગ લાગવાનો એક વીડિયો સોશિયલ મીડિયા પર ખુબ જ વાયરલ થયો છે. જેમાં જોઈ શકાય છે કે ત્રીજા માળે બંને તરફથી આગની વરાળો નિકળી રહી છે. એક શખ્સ બાલ્કની પર લટકેલો જોઈ શકાય છે. જયારે કે નીચે ઉભેલા લોકો જોર-જોરથી બુમો પાડી રહ્યાં છે. બાલ્કની પર લટકી રહેલી વ્યક્તિ સીડીની મદદથી નીચે ઉતરે છે અને પછી કૂદકો મારે છે. 



અગાઉ ગ્રેટર નોઈડામાંથી આગની જાણ થઈ હતી. ગ્રેટર નોઈડા વેસ્ટના શાહબેરી વિસ્તારમાં શનિવારે સવારે 6 માળની ઈમારતના ભોંયરામાં આગ લાગી હતી. આગના કારણે બિલ્ડીંગમાં રહેતા પરિવારો ગભરાટમાં આવી ગયા હતા અને અફરાતફરીનો માહોલ સર્જાયો હતો. આગ ભોંયરામાં હતી, તેથી નીચે ઉતરવું અને બહાર નીકળવું મુશ્કેલ હતું. ફાયર બ્રિગેડની ટીમ અને પોલીસની ટીમે ઘટનાસ્થળે પહોંચીને સીડી મૂકીને ઉપરના ફ્લેટમાંથી લોકોને બચાવ્યા હતા.


જ્વાળાઓ ઝડપથી બિલ્ડિંગ કોમ્પ્લેક્સમાં ફેલાઈ ગઈ હતી. બચાવકર્મીઓએ ઈમારતમાં ફસાયેલા લગભગ બે ડઝન પરિવારોને બચાવીને બહાર કાઢ્યા હતા. ફાયર બ્રિગેડની ટીમે ભારે જહેમત બાદ આગ પર કાબુ મેળવ્યો હતો. પોલીસના જણાવ્યા અનુસાર આગ લાગવાનું કારણ હજુ સુધી જાણી શકાયું નથી. ઘટનાસ્થળે પહોંચેલી બિસરાખ પોલીસ સ્ટેશનની ટીમ આ મામલે તપાસ કરશે.

 


 

 

 

 

 

Whatsapp-channel Whatsapp-channel

03 December, 2022 01:29 PM IST | Mumbai | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK