એક બાજુ પોલીસ સાંતાક્રુઝના રહેવાસી અને દોષિત ખૂની આઝમ અસલમ બટની શોધમાં છે અને બીજી બાજુ બટ હાઈ કોર્ટમાં પિટિશન દાખલ કરીને ન્યાયિક પ્રક્રિયામાં હેરાફેરી કરવાનો પ્રયત્ન કરી રહ્યો છે
આઝમ અસલમ બટ પરોલ જમ્પિંગ માટે જાણીતો છે (ફાઇલ તસવીર)
સાંતાક્રુઝનો રહેવાસી અને દોષિત ખૂની આઝમ અસલમ બટ પરોલ પર છૂટ્યા પછી છેલ્લા ત્રણ મહિનાથી ઑથોરિટીને તેમના પૈસા માટે દોડાવી રહ્યો છે. એક બાજુ પોલીસ તેની શોધમાં છે તો બીજી બાજુ તે હાઈ કોર્ટમાં પિટિશન દાખલ કરીને ન્યાયિક પ્રક્રિયામાં હેરફેર કરવાનો પ્રયત્ન કરી રહ્યો છે. તેનો દાવો છે કે તે અત્યારે નાગપુર જેલમાં છે અને તેના પરોલના ત્રણ મહિનાના એક્સ્ટેન્શનની વિનંતી કરી રહ્યો છે.
‘મિડ-ડે’એ આઝમ અસલમ બટની પરોલ માટે અરજી કરનાર ઍડ્વોકેટનો સંપર્ક કર્યો હતો, પરંતુ તેણે દાવો કર્યો હતો કે તેના ફરાર થવા વિશે તેને કોઈ જાણકારી નથી. ‘મિડ-ડે’ સાથે વાત કરતાં હાઈ કોર્ટ લીગલ સર્વિસિસ કમિટીના સભ્ય અને ઍડ્વોકેટ શશિકાંત ચૌધરીએ જણાવ્યું હતું કે ‘અરજીકર્તા દ્વારા માગવામાં આવેલી રાહત માટે તેને હાઈ કોર્ટ કાનૂની સેવા સમિતિ તરફથી કાનૂની સહાય પૂરી પાડવામાં આવે છે. તેની વિનંતી પર ફેબ્રુઆરી ૨૦૨૩માં મારી નિમણૂક કરવામાં આવી હતી. જરૂરી દસ્તાવેજો મેળવ્યા પછી કોર્ટમાં હાલની અરજી દાખલ કરવામાં આવી છે. હાઈ કોર્ટ લીગલ સર્વિસિસ કમિટી દ્વારા જારી કરાયેલા નિમણૂકના આદેશ દ્વારા તેને સમર્થન મળે છે, જેમાં સ્પષ્ટપણે ઉલ્લેખ કરવામાં આવ્યો છે કે અરજદાર હાલમાં નાગપુર જેલમાં બંધ છે.’
ADVERTISEMENT
હાઈ કોર્ટ લીગલ સર્વિસિસ કમિટી દ્વારા જારી કરાયેલા નિમણૂકના આદેશ દ્વારા તેને સમર્થન મળે છે, જેમાં ઉલ્લેખ કરવામાં આવ્યો છે કે અરજદાર હાલમાં નાગપુર જેલમાં બંધ છે. : ઍડ્વોકેટ શશિકાંત ચૌધરી
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)