મુંબઈ પોલીસ(Mumbai Police)એ જણાવ્યું કે લક્ષ્યનું ગળું કોઈ ધારદાર હથિયારથી કાપવમાં આવ્યું હતું
પ્રતીકાત્મક તસવીર
સમગ્ર ભારતમાં દિન-પ્રતિદિન ક્રાઈમની ઘટનામાં વધારો થઈ રહ્યો છે. ક્યાંક હત્યા કરી લાશના ટુકડા કરી ફેંકવામાં આવી રહ્યાં છે તો ક્યાંક ઘરના લોકો જ ઘાતકી બની જીવ લઈ રહ્યાં છે. ત્યારે મુંબઈ(Mumbai)માં પણ ચોંકાવનારી ઘટના સામે આવી છે. મલાડ(Malad)માં એક પિતાએ ક્રુરતાની તમામ હદ પર કરી પોતાના 6 વર્ષ બાળકને (Father Kills Son)મોતને ઘાટ ઉતાર્યો છે. મળતી માહિતી અનુસાર આરોપી પિતાએ પત્ની સાથે ઝઘડો થયા બાદ રોષે ભરાઈ માસુમ બાળકની હત્યા કરી નાખી હતી. આ ઘટના શનિવારે સવારે મલાડમાં બની હતી.
મળતી માહિતી પ્રમાણે આરોપી નંદન અધિકારીનો પોતાની પત્ની સુનીતા સાથે ઝઘડો થયો હતો, ત્યાર બાદ તે ગુસ્સા પર નિયંત્રણ ન રાખી શક્યા અને 6 વર્ષના પુત્ર લક્ષ્યને મોતને ઘાટ ઉતારી દીધો. શનિવારે સુનીતા પોતાની 13 વર્ષની પુત્રીને શાળાએ છોડવા ગઈ હતી. જ્યારે તે ઘરે પરત ફરી તો જમીન પર દીકરો લક્ષ્ય લોહીથી લથપથ હાલતમાં પડ્યો હતો.
ADVERTISEMENT
મુંબઈ પોલીસ(Mumbai Police)એ જણાવ્યું કે લક્ષ્યનું ગળું કોઈ ધારદાર હથિયારથી કાપવમાં આવ્યું હતું. માલવની પોલીસે આરોપી નંદન અધિકારીની ધરપકડ કરી લીધી છે અને તેના વિરુદ્ધ આઈપીસી ધારા 302 કલમ હેઠળ હત્યાનો ગુનો નોંધ્યો છે. પોલીસે બાળકનો મૃતદેહનું પોસ્ટમોર્ટમ કરાવી મૃતદેહને પરિવારને સોંપી દીધો છે.
આ પણ વાંચો:Crime News: શ્રદ્ધા બાદ હવે આયુષીની હત્યા, પણ શું આ ઘટનામાં બાપ બન્યો હત્યારો?
પોલીસે કહ્યું કે આરોપીએ પોતાનો ગુનો કબૂલ કરી લીધો છે. પૂછપરછ દરમિયાન આરોપીએ જણાવ્યું હતું કે તેની પત્ની સાથે કોઈ બાબતને લઈને હંમેશા ઝઘડો થતો હતો. પોલીસ આ મામલે આગળ વધુ તપાસ કરી રહી છે.
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)