° °

આજનું ઇ-પેપર
Monday, 06 February, 2023


ગુજરાતી યુવતી સાથે હાથચાલાકી

08 December, 2022 09:57 AM IST | Mumbai
Gujarati Mid-day Correspondent | feedbackgmd@mid-day.com

કૅશ કાઉન્ટર નજીક આવતાં બે યુવાનો તેને સ્લિપ ભરી આપવા માટે મદદે આવ્યા હતા

પ્રતીકાત્મક તસવીર

પ્રતીકાત્મક તસવીર

મુંબઈ:  ગ્રાન્ટ રોડમાં રહેતી ૨૭ વર્ષની ગુજરાતી શિક્ષિકા બૅન્કમાં પૈસા ભરવા ગઈ હતી ત્યારે બૅન્કની અંદર બે ગઠિયાઓએ તેને વાતોમાં ભેળવી ભરવા લાવેલા રૂપિયાના નંબર સ્લિપ પર લખવાનું કહીને પોતાના હાથમાં રૂપિયા લીધા હતા. ત્યાર બાદ થોડી વારમાં બન્ને ત્યાંથી ચાલ્યા ગયા હતા. યુવતીએ ફરી વાર પૈસા ગણ્યા ત્યારે ભરવા લાવેલી મૂળ રકમમાંથી ૬૮,૦૦૦માંથી ૧૮,૦૦૦ રૂપિયા ઓછા થઈ ગયા હતા. પોતાની સાથે થયેલી છેતરપિંડી સામે આવતાં તેણે ડી. બી. માર્ગ પોલીસ સ્ટેશનમાં ફરિયાદ નોંધાવી હતી.

ગ્રાન્ટ રોડ ઈસ્ટમાં આર. આર. મોહન રોડ પરની એક સોસાયટીમાં રહેતી ૨૭ વર્ષની શિક્ષિકા આયુષી શાહે કરેલી ફરિયાદ અનુસાર ૬ ડિસેમ્બરે બપોરે એક વાગ્યે તે બૅન્ક ઑફ ઇન્ડિયાની ગ્રાન્ટ રોડ બ્રાન્ચમાં પૈસા ડિપોઝિટ કરવા ગઈ હતી. કૅશ કાઉન્ટર નજીક આવતાં બે યુવાનો તેને સ્લિપ ભરી આપવા માટે મદદે આવ્યા હતા. ત્યારે આયુષીએ તેમની મદદ લેવાનો ઇનકાર કર્યો હતો. બપોરે એક વાગ્યે કૅશ કાઉન્ટર બંધ થઈ જવાથી આયુષી બૅન્કમાં જ કૅશ કાઉન્ટર ખૂલવાની રાહ જોતી બેઠી હતી. ત્યારે પાછા તે બે યુવાનો તેની પાસે આવ્યા હતા અને કહ્યું હતું કે તમે નોટોના નંબર સ્લિપ પર લખ્યા છે કે નહીં? આમ કહીને મદદ કરવાના બહાને બધા પૈસા તેમણે પોતાના હાથમાં લીધા હતા. આયુષીએ બેથી ત્રણ નોટોના નંબર લખ્યા ત્યાં સુધીમાં આવેલા યુવાનો ત્યાંથી રવાના થઈ ગયા હતા. ત્યાર પછી આયુષીએ પૈસા પાછા ગણ્યા ત્યારે લાવેલા ૬૮,૦૦૦માંથી ૧૮,૦૦૦ રૂપિયા ઓછા થઈ ગયા હતા. પોતાની સાથે થયેલી છેતરપિંડી સમજાતાં તેણે તરત ડી. બી. માર્ગ પોલીસ સ્ટેશનમાં ફરિયાદ નોંધાવી હતી.

ડી. બી. માર્ગ પોલીસ સ્ટેશનના એક અધિકારીએ ‘મિડ-ડે’ને કહ્યું હતું કે ‘આ ઘટનાની ફરિયાદ નોંધીને અમે તપાસ હાથ કરી છે. હાલમાં અમે બૅન્કમાં લગાડવામાં આવેલા સીસીટીવી કૅમેરાના ફુટેજની મદદથી આરોપીઓની ઓળખ કરવાની કોશિશ કરી રહ્યા છીએ.’

08 December, 2022 09:57 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

વિનોદ કાંબળી ફરી વિવાદમાં : પત્નીની મારપીટનો છે આરોપ

બાંદ્રા પોલીસે ભૂતપૂર્વ ક્રિકેટર વિરુદ્ધ દાખલ કરી FIR

05 February, 2023 03:46 IST | Mumbai | Gujarati Mid-day Online Correspondent
મુંબઈ સમાચાર

પ્રધાનમંડળનું વિસ્તરણ થવાની હમણાં કોઈ શક્યતા નથી દેખાતી

વિધાન પરિષદનાં પરિણામો બાદ હાલની સરકારના શિંદે જૂથના અને બીજેપીના વિધાનસભ્યોમાં ફફડાટ પેસી ગયો છે

05 February, 2023 10:30 IST | Mumbai | Gujarati Mid-day Correspondent
મુંબઈ સમાચાર

જેઠાણીએ માર મારીને દેરાણીનો કર્યો ગર્ભપાત

કુર્લામાં મોટી ભાભીએ બાળકો રાખવાની વાતમાં રોષે ભરાઈને બાવીસ વર્ષની નવ અઠવાડિયાંની પ્રેગ્નન્ટ દેરાણીને રસ્તામાં મારી

05 February, 2023 10:22 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK