Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > મુંબઈ સમાચાર > આર્ટિકલ્સ > દારૂખાનામાં આવેલા ગોડાઉનમાં ફાયર-સેફ્ટીની વ્યવસ્થા નહોતી

દારૂખાનામાં આવેલા ગોડાઉનમાં ફાયર-સેફ્ટીની વ્યવસ્થા નહોતી

19 April, 2024 08:43 AM IST | Mumbai
Gujarati Mid-day Correspondent | feedbackgmd@mid-day.com

ફુટવેઅર, બૅગ્સ અને કોરુગેટેડ બૉક્સનું ગોડાઉન હોવાથી રે રોડની આગ ઝડપથી ફેલાઈ : ૬ કલાકની જહેમત બાદ કાબૂ મેળવી શકાયો

તસવીર :સૈયદ સમીર અબેદી

તસવીર :સૈયદ સમીર અબેદી


તળ મુંબઈના રે રોડ પર બ્રિટા​નિયા કંપનીની બાજુમાં આવેલા દેવીદયાલ કમ્પાઉન્ડમાં એક માળના ૧૦,૦૦૦ સ્ક્વેર ફુટના ગોડાઉનમાં ગઈ કાલે સવારે ૯.૩૦ વાગ્યે આગ ફાટી નીકળી હતી. આગ શા કારણે લાગી એ જાણી શકાયું નહોતું. ગોડાઉનમાં મોટા ભાગનું મટી​રિયલ જ્વલનશીલ હોવાથી બધું ભડ-ભડ બળવા માંડ્યું હતું અને સખત ધુમાડો નીકળી રહ્યો હતો. મૂળમાં આ દેવીદયાલ કમ્પાઉન્ડમાં અનેક કંપનીઓનો માલ સ્ટોર કરતાં ગોડાઉનો આવેલાં છે. એથી અહીં કામગાર ઓછા, ગણતરીના જ હોય છે પણ માલ બહુ જ સ્ટોર કરવામાં આવ્યો હોય છે. વળી એ માલનું પૅકે​જિંગ પૂંઠાના કોરુગેટેડ બૉક્સમાં કરવામાં આવ્યું હોય છે અને એ બૉક્સ બનાવવામાં પણ જે ગુંદર વપરાય છે એ પણ ઝડપથી સળગી ઊઠે એવો હોય છે. એથી આગ ટૂંક સમયમાં વધુ ફેલાઈ હતી. ફાયર કન્ટ્રોલના જણાવ્યા અનુસાર સવારે સાડાનવ વાગ્યે લાગેલી આગ પર છ કલાક બાદ બપોરે ૩.૩૦ વાગ્યે કાબૂ મેળવી શકાયો હતો. જોકે એ પછી પણ કૂલિંગ ઑપરેશન ચાલુ રાખવામાં આવ્યું હતું. 

ચીફ ફાયર-ઑફિસર રવીન્દ્ર અંબુલગેકરે ‘મિડ-ડે’ને કહ્યું હતું કે  ‘એ જગ્યા મૂળ BPTની છે. દેવીદયાલ કમ્પાઉન્ડમાં મોટાં-મોટાં ગોડાઉનો આવેલાં છે જેમાં અન્ય મટીરિયલ સાથે પ્લા​સ્ટિક 
અને પૂંઠાનું સ્ક્રૅપ મટીરિયલ પણ હોય છે. અમારા જવાનોએ ભારે જહેમત બાદ આગ પર કન્ટ્રોલ મેળવ્યો હતો. જોકે એ ગોડાઉનોમાં ફાયર-સેફ્ટીને લગતાં કોઈ ઉપાયો કે ફાયર-એક્સ્ટિંગ્વિશર નહોતાં. ફાયરબ્રિગેડ હવે આગ ચોક્કસ કયાં કારણોસર લાગી એની તપાસ કરી રહી છે.’ 


Whatsapp-channel Whatsapp-channel

19 April, 2024 08:43 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK