° °

આજનું ઇ-પેપર
Thursday, 29 September, 2022


નવું ક્રેડિટ કાર્ડ વાપરે એ પહેલાં સાઇબર ગઠિયાએ વાપરી લીધું

22 September, 2022 10:09 AM IST | Mumbai
Gujarati Mid-day Correspondent | feedbackgmd@mid-day.com

નવું ક્રેડિટ કાર્ડ ખોલ્યું ન હોવા છતાં ૧.૮૬ લાખ રૂપિયા બીજા અકાઉન્ટમાં ટ્રાન્સફર થયા : આરોપીએ મલાડના ગુજરાતી યુવાનનાં બૅન્ક-અકાઉન્ટ અને ક્રેડિટ કાર્ડમાંથી ૯.૭૧ લાખ રૂપિયા ઉપાડી લીધા

પ્રતીકાત્મક તસવીર Crime News

પ્રતીકાત્મક તસવીર

મલાડમાં રહેતા ગુજરાતી યુવાનનાં બૅન્ક-અકાઉન્ટ અને ક્રેડિટ કાર્ડ મળીને કુલ પાંચ ખાતાંમાંથી એકાએક ૯.૭૧ લાખ રૂપિયા કપાઈ જતાં યુવકે મલાડ પોલીસ સ્ટેશનમાં ફરિયાદ નોંધાવી છે. આ ઘટના ત્યારે પ્રકાશમાં આવી હતી જ્યારે યુવાનને બૅન્ક અને ક્રેડિટ કાર્ડનાં સ્ટેટમેન્ટ ઈ-મેઇલ પર આવ્યાં હતાં. તેણે ઘટનાની જાણ થતાં પોલીસમાં ફરિયાદ નોંધાવી હતી.
મલાડ-વેસ્ટમાં ઝકરિયા રોડ પરની એક સોસાયટીમાં રહેતા રાજેશ શાહે કરેલી ફરિયાદ અનુસાર જુલાઈ મહિનામાં આઇડીએફસી ફર્સ્ટ બૅન્કનું સ્ટેટમેન્ટ તપાસતાં મોબિક્વિક સિસ્ટમ ગુડગાંવ પેટીએમ નોએડામાં ૭૬,૮૫૨ રૂપિયા કપાયા હોવાની માહિતી મળતાં આઇડીએફસી ફર્સ્ટ બૅન્કના ઈ-મેઇલ આઇડી પર આ વિશે ફરિયાદ કર્યા પછી બૅન્ક દ્વારા ક્રેડિટ કાર્ડ બ્લૉક કરવામાં આવ્યું હતું. ૧૨ ઑગસ્ટે બૅન્ક દ્વારા નવું ક્રેડિટ કાર્ડ મોકલવામાં આવ્યું, જેને ખોલ્યું પણ ન હોવા છતાં ૧૨થી ૧૫ ઑગસ્ટ સુધીમાં ૧,૮૬,૪૧૯ રૂપિયા પેટીએમના એક અકાઉન્ટમાં ટ્રાન્સફર થયા હોવાની તેને જાણ થઈ હતી. આવી રીતે અન્ય ત્રણ બૅન્કોનાં ક્રેડિટ કાર્ડ અને એક સેવિંગ્સ અકાઉન્ટમાંથી સાઇબર ગઠિયાએ ૯.૭૧ લાખ રૂપિયા ધીરે-ધીરે કરીને ઑગસ્ટ મહિનાના અંત સુધીમાં ઉપાડી લેવાની જાણ થતાં તેણે મલાડ પોલીસ સ્ટેશનમાં ફરિયાદ નોંધાવી હતી.

મલાડ પોલીસ સ્ટેશનના એક અધિકારીએ ‘મિડ-ડે’ને કહ્યું હતું કે ‘આ ઘટનાની ફરિયાદ નોંધીને અમે તપાસ શરૂ કરી છે. આ ઘટનામાં ફરિયાદીનાં તમામ બૅન્ક-અકાઉન્ટને સાઇબર ગઠિયાએ ટાર્ગેટ કર્યાં છે જે એક ગંભીર વિષય છે. અમે તમામ બૅન્ક-સ્ટેટમેન્ટની માહિતી કાઢીને તપાસ કરી રહ્યા છીએ.’ 

22 September, 2022 10:09 AM IST | Mumbai | Gujarati Mid-day Correspondent

અન્ય લેખો

મુંબઈ સમાચાર

દાઉદના સાગરીતની ખંડણી માગવા બદલ કરાઈ ધરપકડ

મુંબઈ પોલીસના ઍન્ટિ-એક્સ્ટૉર્શન સેલની ટીમે અન્ડરવર્લ્ડ ડૉન દાઉદ ઇબ્રાહિમના નજીકના સાથી રિયાઝ ભાટીની અંધેરીના એક બિઝનેસમૅન પાસેથી ખંડણી માગવાના અને રૂપિયા નહીં આપે તો જાનથી મારી નાખવાની ધમકી આપવાના આરોપસર ધરપકડ કરી હોવાનું જાણવા મળ્યું હતું.

28 September, 2022 12:29 IST | Mumbai | Gujarati Mid-day Correspondent
મુંબઈ સમાચાર

સંતાનની કસ્ટડી મામલે પતિએ પત્નીને મોતને ઘાટ ઉતારી દીધી

ચેમ્બુરમાં ૩૬ વર્ષના શખ્સે તેની પત્ની પર તીક્ષ્ણ હથિયાર વડે હુમલો કરીને તેને મોતને ઘાટ ઉતારી હતી. પતિ-પત્ની વચ્ચે સંતાનની કસ્ટડીને લઈને વિવાદ ચાલી રહ્યો હતો.

28 September, 2022 12:27 IST | Mumbai | Gujarati Mid-day Correspondent
મુંબઈ સમાચાર

Mumbai Crime: પત્નીએ બુરખો પહેરવાથી કર્યો ઈન્કાર, પતિએ ગળું કાપી કરી હત્યા

રૂપાલીએ ત્રણ વર્ષ પહેલા ઈકબાલ શેખ સાથે પ્રેમ લગ્ન કર્યા હતા. આ પછી બંને ચેમ્બુર વિસ્તારમાં આવેલા ઈકબાલના ઘરમાં રહેતા હતા. રૂપાલી હિંદુ હોવાથી અને લગ્ન પછી પણ તે મુસ્લિમ રિવાજોનું પાલન કરતી ન હોવાથી ઇકબાલ પોતે અને તેનો પરિવાર તેના પર નારાજ હતો.

27 September, 2022 01:52 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK