° °

આજનું ઇ-પેપર
Wednesday, 01 February, 2023


World Soil Day 2022: આજે છે વિશ્વ માટી દિવસ, જાણો થીમ, ઇતિહાસ અને મહત્ત્વ

05 December, 2022 09:26 AM IST | Mumbai
Gujarati Mid-day Online Correspondent | gmddigital@mid-day.com

યુનાઇટેડ નેશન્સ અનુસાર, આ વર્ષની વિશ્વ માટી દિવસની થીમ "સોઇલ્સઃ વ્હેર ફૂડ બિગીન્સ" છે

પ્રતીકાત્મક તસવીર. તસવીર/આઈસ્ટોક

પ્રતીકાત્મક તસવીર. તસવીર/આઈસ્ટોક

સોઇલ એટલે કે માટી આપણા માટે ખૂબ જ મહત્વપૂર્ણ છે. લોકોને જમીનના મહત્ત્વ વિશે જણાવવા અને જમીનની ગુણવત્તા વિશે જાગૃત કરવા દર વર્ષે 5મી ડિસેમ્બરે વિશ્વ માટી દિવસ (World Soil Day)ની ઉજવણી કરવામાં આવે છે. હવે પ્રશ્ન એ થાય છે કે માટી બચાવવાની જરૂર કેમ છે? વાસ્તવમાં, પ્રદૂષણ અને જંતુનાશકોના વધુ પડતા ઉપયોગને કારણે દર વર્ષે જમીનની ગુણવત્તા ઘટી રહી છે. આ એક ગંભીર સમસ્યા છે.

જમીનની ઘટતી ગુણવત્તાને કારણે જૈવિક પદાર્થોની ખોટ થાય છે અને જમીનની ફળદ્રુપતામાં ઘટાડો થાય છે. આવી સ્થિતિમાં લોકોને આ અંગે જાગૃત કરવા ખૂબ જ જરૂરી છે. તો ચાલો આપણે વિશ્વ સોઇલ દિવસ એટલે કે વિશ્વ માટી દિવસ વિશે વિગતવાર જાણીએ.

વિશ્વ માટી દિવસ 2022ની થીમ

યુનાઇટેડ નેશન્સ અનુસાર, આ વર્ષની વિશ્વ માટી દિવસની થીમ "સોઇલ્સઃ વ્હેર ફૂડ બિગીન્સ" છે. તેનો ઉદ્દેશ ભૂમિ વ્યવસ્થાપનમાં વધતા જતા પડકારોનો ઉકેલ લાવવાનો, જમીન પ્રત્યે લોકોની જાગૃતિ વધારવાનો તેમ જ જમીનમાં યોગ્ય સુધારણા માટે સમાજને પ્રોત્સાહિત કરીને મનુષ્ય માટે સ્વસ્થ ઇકોસિસ્ટમ અને સ્વસ્થ પર્યાવરણ જાળવવાનો છે.

જાણો શું છે આ દિવસનો ઈતિહાસ?

વર્ષ 2002માં, ઇન્ટરનેશનલ યુનિયન ઑફ સોઇલ સાયન્સ (IUSS)એ દરખાસ્ત કરી કે 5 ડિસેમ્બરને વિશ્વ માટી દિવસ તરીકે મનાવવામાં આવે, જેથી જમીનની બગડતી સ્થિતિ અંગે લોકોને જાગૃત કરી શકાય. આ પછી, જૂન 2013માં ફૂડ ઍન્ડ એગ્રીકલ્ચર ઑર્ગેનાઈઝેશન (FAO) પરિષદે 68મી સંયુક્ત રાષ્ટ્ર મહાસભાને વિશ્વ માટી દિવસની ઉજવણી કરવા વિનંતી કરી. એસેમ્બલીએ આખરે 5 ડિસેમ્બર 2014ના રોજ પ્રથમ સત્તાવાર વિશ્વ માટી દિવસ તરીકે જાહેરાત કરી, ત્યારથી આ દિવસ દર વર્ષે ઉજવવામાં આવે છે.

આ પણ વાંચો: આ છે અત્યાર સુધીનું સૌથી ઍડ્વાન્સ્ડ મિલિટરી ઍરક્રાફ્ટ

વિશ્વ માટી દિવસનો હેતુ

માટીની ખરાબ ગુણવત્તા એ આપણી ઇકોસિસ્ટમ માટે જોખમી છે અને તેને વૈશ્વિક સ્તરે એક મોટો ખતરો માનવામાં આવે છે. આવી સ્થિતિમાં, 5મી ડિસેમ્બરે આ દિવસની ઉજવણી કરવાનો હેતુ માત્ર લોકોને માટી સંબંધિત સમસ્યાઓ, તેમાં આવી રહેલા પડકારો વગેરે વિશે જાગૃત કરવાનો છે.

05 December, 2022 09:26 AM IST | Mumbai | Gujarati Mid-day Online Correspondent

અન્ય લેખો

ઈન્ટરનેશનલ સમાચાર

દુનિયાના આ ૧૨ દેશોમાં નથી આપવો પડતો ઇન્કમ ટેક્સ

દેશના નાગરિકો જીવે છે ટેક્સ ફ્રી જીવન

01 February, 2023 05:15 IST | Mumbai | Gujarati Mid-day Online Correspondent
ઈન્ટરનેશનલ સમાચાર

Pakistan: મસ્જિદ બાદ હવે 25 સશસ્ત્ર આતંકવાદીઓએ પોલીસ સ્ટેશન પર કર્યો હુમલો

પોલીસના જણાવ્યા અનુસાર, 20થી 25 ભારે હથિયારોથી સજ્જ આતંકવાદીઓના એક જૂથે પોલીસ સ્ટેશન પર હુમલો કર્યો. જો કે બંને તરફથી ભારે ગોળીબાર બાદ આતંકીઓ ભાગી ગયા હતા

01 February, 2023 11:31 IST | Mumbai | Gujarati Mid-day Online Correspondent
ઈન્ટરનેશનલ સમાચાર

પેશાવરની મસ્જિદમાં વિસ્ફોટ, ૪૬નાં મોત, ૧૫૦થી વધુ ઈજાગ્રસ્ત

પાકિસ્તાનના તાલિબાનના કમાન્ડરે લીધી આત્મઘાતી હુમલાની જવાબદારી 

31 January, 2023 11:05 IST | Peshawar | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK