° °

આજનું ઇ-પેપર
Tuesday, 06 December, 2022


મોરબીના પીડિતોને વળતર મુદ્દે ગુજરાત હાઈ કોર્ટે રાજ્ય સરકારની ઝાટકણી કાઢી

25 November, 2022 09:47 AM IST | Ahmedabad
Gujarati Mid-day Correspondent | feedbackgmd@mid-day.com

મૃત્યુ પામનારાઓના પરિવારજનો માટેનું વળતર ચાર લાખથી વધારીને ઓછામાં ઓછા ૧૦ લાખ રૂપિયા કરવા જણાવ્યું

મોરબીના પીડિતોને વળતર મુદ્દે ગુજરાત હાઈ કોર્ટે રાજ્ય સરકારની ઝાટકણી કાઢી

મોરબીના પીડિતોને વળતર મુદ્દે ગુજરાત હાઈ કોર્ટે રાજ્ય સરકારની ઝાટકણી કાઢી

અમદાવાદ ઃ ગુજરાત હાઈ કોર્ટે ગઈ કાલે જણાવ્યું હતું કે મોરબી બ્રિજ હોનારતના પીડિતો માટે જાહેર કરવામાં આવેલું વળતર પૂરતું નથી. અદાલતે રાજ્ય સરકારને વળતરની રકમ વધારવા જણાવ્યું છે. 
૩૦ ઑક્ટોબરે અંગ્રેજોના જમાનાનો બ્રિજ તૂટી પડતાં ૧૪૧ વ્યક્તિઓનાં મોત થયાં હતાં. 
રાજ્ય સરકારે આ દુર્ઘટનામાં મૃત્યુ પામનારાઓના પરિવારજનોને ચાર લાખ રૂપિયા તેમ જ ઈજાગ્રસ્તોને ૫૦,૦૦૦ રૂપિયાના વળતરની જાહેરાત કરી છે. એ સિવાય માતા-પિતા ગુમાવનારાં બાળકોને દર મહિને ૩૦૦૦ રૂપિયા આપવાની જાહેરાત કરી હતી. 
જોકે હાઈ કોર્ટે ગઈ કાલે જણાવ્યું હતું કે ‘મરનારના પરિવારને ઓછામાં ઓછા ૧૦ લાખ રૂપિયાનું વળતર આપવું જોઈએ. મરનારના પરિવારજનોને અને ગંભીર રીતે ઈજાગ્રસ્તો માટેનું પ્રસ્તાવિત વળતર ખૂબ જ ઓછું છે. વળતર વાસ્તવિક હોવું જોઈએ. અમને આશા છે કે એ વધારવામાં આવશે.’
બાળકો માટેના વળતર વિશે અદાલતે જણાવ્યું હતું કે આ રકમ અપૂરતી છે. આટલી રકમ તો પુસ્તકો અને સ્કૂલ યુનિફૉર્મ ખરીદવામાં જ ખર્ચાઈ જશે. આ દુર્ઘટનાના કારણે સાત બાળકો અનાથ બન્યાં છે, જ્યારે ૧૨ બાળકોએ માતા અથવા પિતા ગુમાવ્યાં છે. 
હાઈ કોર્ટે એ પણ નોંધ્યું હતું કે મોરબીના મ્યુનિસિપલ કૉર્પોરેશનને ટિકિટની કિંમત તેમ જ કૉન્ટ્રૅક્ટ જાળવી રાખવામાં જ વધારે રસ હતો. 

25 November, 2022 09:47 AM IST | Ahmedabad | Gujarati Mid-day Correspondent

અન્ય લેખો

ગુજરાત સમાચાર

Gujarat Election:આ ગામના મુસ્લિમોએ મતદાનનો કર્યો બહિષ્કાર,કારણ જાણી થશે આશ્ચર્ય

ખેડા જિલ્લામાં પોલીસ કર્મચારીઓએ કેટલાક મુસ્લિમોની ધરપકડ પણ કરી હતી બાદમાં તેને થાંભલા સાથે બાંધીને તેમની મેથીપાક ચખાડવામાં આવ્યો હતો.

05 December, 2022 06:23 IST | Ahmedabad | Gujarati Mid-day Online Correspondent
ગુજરાત સમાચાર

ગુજરાત: કૉંગ્રેસે PM પર મૂક્યો આચાર સંહિતાના ઉલ્લંઘનનો આરોપ, જાણો શું કહ્યું?

પીએમ મોદીએ (PM Modi) માત્ર મતદારોને મત આપવાની અપીલ (Appeal)  કરી છે. બીજેપીએ (BJP) કહ્યું કે જો કોઈ સૌથી વધારે નિયમોનું પાલન કરે છે તો તે પીએમ મોદી છે.

05 December, 2022 05:33 IST | Gujarat | Gujarati Mid-day Online Correspondent
ગુજરાત સમાચાર

ગુજરાતમાં વહેલી સવારે કૉંગ્રેસના ઉમેદવાર કાંતિ ખરાડી પર હુમલો, ભાજપ પર આરોપ

કૉંગ્રેસ નેતા રાહુલ ગાંધીએ પણ આ અંગે ટ્વિટ કર્યું

05 December, 2022 10:40 IST | Ahmedabad | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK