દીકરીએ પતિને ઘરમાંથી કાઢી મૂકતાં ૭૫ની વયે સાસુએ જમાઈ સાથે લગ્ન કર્યાં
સાસુએ કર્યા જમાઇ સાથે લગ્ન
એક રશિયન ટીવી-શોમાં મા, દીકરી અને જમાઈની કહાણી ખૂબ ચર્ચામાં છે. વાત કાંઈક આવી છે કે વેતન ન મળવાને કારણે ઝુકોવ્સ્કી નામનો યુવક રશિયાની જેલમાં સજા ભોગવી રહ્યો હતો ત્યારે તેણે લગ્નવિષયક જાહેરાત આપી હતી. એ જાહેરાત જોઈને એલિના નામની કન્યા તેના સંપર્કમાં આવી. બન્નેએ જેલવાસ દરમ્યાન જ લગ્ન કરી લીધાં હતાં. જોકે જેલમાંથી બહાર આવ્યા પછી તેમનું લગ્નજીવન બહુ લાંબું ન ટક્યું. ત્રણ વર્ષની જેલ પછી જેવો ઝુકોવ્સ્કી બહાર આવ્યો કે બન્ને વચ્ચે ઝઘડા થવા લાગ્યા. કદાચ એલિનાને બીજા કોઈક સાથે પ્રેમ થઈ ગયેલો એટલે તેણે પતિને પોતાના ઘરમાંથી કાઢી મૂક્યો. એલિનાની માને થયું કે પોતાની દીકરીનો સ્વભાવ અને તેની બેવફાઈને કારણે જમાઈએ ભોગવવું પડી રહ્યું છે એટલે તેણે જમાઈને પોતાના ઘરે આશરો આપ્યો. જોકે થોડા સમયમાં તેમની વચ્ચે પ્રણય અને લાગણીના અંકુર ફૂટ્યા અને બન્નેએ લગ્ન કરી લીધાં. એલિનાની મા ગેલિનાએ તેનાથી ૨૩ વર્ષ નાના જમાઈ સાથે ઘર માંડ્યું અને સરોગસીથી બાળક મેળવવાનો પ્લાન પણ કર્યો, પણ એમાં સફળતા નહોતી મળી.