સદીઓ જૂનું ચેસનું આ મહોરું 8.7 કરોડ રૂપિયામાં વેચાવા નીકળ્યું

સ્કૉટલૅન્ડ | Jun 06, 2019, 09:17 IST

ઘરમાં પડેલી નકામી લાગતી જૂનીપુરાણી ચીજના જ્યારે કરોડો રૂપિયા ઊપજે ત્યારે આશ્ચર્ય થાય એ સ્વાભાવિક છે.

સદીઓ જૂનું ચેસનું આ મહોરું 8.7 કરોડ રૂપિયામાં વેચાવા નીકળ્યું
ચેસ

ઘરમાં પડેલી નકામી લાગતી જૂનીપુરાણી ચીજના જ્યારે કરોડો રૂપિયા ઊપજે ત્યારે આશ્ચર્ય થાય એ સ્વાભાવિક છે. સ્કૉટલૅન્ડમાં એક ઍન્ટિક ડીલર માટે પણ આવું જ કંઈક થયું. ૧૯૬૪માં ભાઈએ આ મહોરું માત્ર પાંચ પાઉન્ડમાં ખરીદ્યું હતું. જોકે એ વખતે તેને એની ખરી ‌કિંમતની ખબર નહોતી. પંચાવન વર્ષ તેના ડ્રૉઅરમાં એમ જ પડી રહેલું આ પ્યાદું જ્યારે તેણે વેચવા કાઢ્યું ત્યારે એની સાથે જોડાયેલો ઇતિહાસ જાણીને એની કિંમત અધધધ થઈ ગયેલી.

આ પણ વાંચો : 6 વર્ષ જૂના બર્ગર 4400 રૂપિયામાં થઇ હરાજી, જોઇને તમે પણ રહી જશો દંગ

સોથબી ઑક્શન હાઉસમાં જ્યારે એને વેચવા માટે લવાયું ત્યારે ખબર પડી કે આ પ્યાદું ૧૨મી સદીના અંતમાં બનાવાયું હતું. આવાં ૯૩ મહોરાં ૧૮૩૧માં સ્કૉટલૅન્ડ ટાપુ પરથી મળી આવ્યાં હતાં. એમાંથી ૮૨ લંડનના બ્રિટિશ મ્યુઝિયમમાં અને ૧૧ એડિનબર્ગમાં છે. આ સેટમાંથી પાંચ પ્યાદાં ગુમ થઈ ગયાં છે. આ પ્યાદું એમાંનું એક છે એટલે એની કિંમત એક મિલ્યન પાઉન્ડ એટલે કે ૮.૭ કરોડ રૂપિયા સુધીની અંકાઈ રહી છે.

 
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK