દારૂની એક ખાસિયત છે. એ જો યોગ્ય માત્રામાં લેવામાં આવે તો શરમાળ વ્યક્તિ સફળ આક્રમકતા સાથે સેક્સ કરી શકે છે, પણ કહ્યું એમ યોગ્ય માત્રામાં હોય તો.
પ્રતીકાત્મક તસવીર
હું લિવ-ઇનમાં રહું છું, ૩૪ વર્ષનો છું. ક્યારેક ફ્રેન્ડ સાથે ગે રિલેશન બાંધું છું, જે માત્ર ચેન્જ માટે હોય છે. જોકે મને થોડા સમયથી એક પ્રૉબ્લેમ થાય છે. મારી લિવ-ઇન પાર્ટનર સિવાય હું કોઈ સાથે સેક્સ કરું તો એ પહેલાં મારે દારૂ પીવો પડે છે. જો ન પીઉં તો મજા નથી આવતી અને ઇરેક્શનમાં પણ પ્રૉબ્લેમ આવે છે. ગે રિલેશનની મારી પાર્ટનરને ખબર નથી અને તે સ્વીકારશે પણ નહીં. મારે બન્ને રિલેશન રાખવા છે. સવાલ એ જ છે કે સેક્સ પહેલાં હું એકાદ-બે પેગ લઉં તો પ્રૉબ્લેમ થાય? મને બ્લડ-પ્રેશર કે બ્લડ-શુગરની કોઈ તકલીફ નથી. હું લિકર અને વાયેગ્રા સાથે લઉં તો કોઈ તકલીફ થાય?
મુલુંડ
દારૂની એક ખાસિયત છે. એ જો યોગ્ય માત્રામાં લેવામાં આવે તો શરમાળ વ્યક્તિ સફળ આક્રમકતા સાથે સેક્સ કરી શકે છે, પણ કહ્યું એમ યોગ્ય માત્રામાં હોય તો. જો માત્રા જરાઅમસ્તી પણ વધી જાય તો એની આડઅસરરૂપે ઇરેક્શન ન થાય અને એવું જો બેત્રણ વાર બને તો મેન્ટલી એની આડઅસર મોટી ઊભી થાય છે. આપણે તમારી વાત કરીએ તો તમને જે પ્રૉબ્લેમ છે એની પાછળનું કારણ દેખીતી રીતે એવું લાગે છે કે તમે કંઈ ખોટું કરો છો અને એને લીધે તમને ગિલ્ટ મનમાં રહેતી હશે. જુઓ, તમે તમારા પાર્ટનર સાથે આ પ્રૉબ્લેમ ફેસ નથી કરતા અને માત્ર ગે રિલેશનશિપ વખતે એવો અનુભવ કરો છો.
તમને ખબર છે કે તમે જે કરો છો એની તમારી પાર્ટનર પરમિશન નથી આપવાની અને આવી વાત ખરી સિચુએશન સમયે જ માઇન્ડની ઉપરની સપાટી પર આવતી હોય છે અને એની નેગેટિવ અસર દેખાડતી હોય છે.
બીજી વાત. દારૂ સેક્સની ઇચ્છા જગાડે, પણ બાયોલૉજિકલી એ સેક્સમાં અવરોધક છે. શરૂઆતમાં દારૂ લેવાથી તમને એવી ઇચ્છા જાગે એવું બને, પણ લાંબા ગાળે એ સેક્સલાઇફને ખતમ કરી નાખે છે એટલે એ રસ્તે જવાને બદલે તમે તમારી આ ગે રિલેશનશિપને કેવી રીતે પૂરી કરવી એના પર ધ્યાન આપો. જરૂર પડે તો તમે સાઇકિયાટ્રિસ્ટનું માર્ગદર્શન લો, પણ એનો અંત લાવો અને તમારી લિવ-ઇન રિલેશનશિપને મૅરેજનું રૂપ આપીને જીવનને સાચી દિશામાં લઈ જાઓ.
