આજના યુગમાં સૌથી મોટો પડકાર જો કોઈ હોય તો એ છે આપણી વ્યક્તિગત ઊર્જાનું સંરક્ષણ અને સંવર્ધન કરવાનો. આપણે સતત એવાં પરિબળોથી ઘેરાયેલા હોઈએ છીએ જે આપણી ઊર્જાનું શોષણ કરે છે
એનર્જી વૅમ્પાયર્સ
આજના યુગમાં લોકો પાસે જેની સૌથી વધારે તંગી છે એ સમય નથી ઊર્જા છે. સમય તો પુષ્કળ પડ્યો છે, જેની સતત અછત વર્તાય છે એ ઊર્જા છે. આપણને દરેકને એકસરખા ચોવીસ કલાક મળે છે અને એમ છતાં કેટલાક લોકો રૉકેટ-ગતિએ પ્રગતિ કરતા જાય છે અને કેટલાક ‘સેલ્ફ-સ્ટાર્ટ’ના અભાવે પાર્કિંગ-સ્લૉટમાં જ પડ્યા રહે છે. કારણ? એનર્જી અને અટેન્શન. આજના યુગમાં સૌથી મોટો પડકાર આપણી વ્યક્તિગત ઊર્જાનું સંરક્ષણ અને સંવર્ધન કરવાનો છે. આપણે સતત એવાં પરિબળોથી ઘેરાયેલા હોઈએ છીએ જેઓ આપણી ઊર્જાનું શોષણ કરે છે. કેટલાક એવા લોકો જેમની સાથે ફક્ત સમય પસાર કરીને જ થાક લાગે. ફક્ત તેમની કંપની જ આપણને હતોત્સાહ, હતાશ કે નિરાશ કરવા માટે પૂરતી હોય. એવા લોકો માટે ‘ટૉક્સિક પીપલ’, ‘નેગેટિવ પીપલ‘ કે ‘ઝેરી લોકો’ જેવા અનેક શબ્દો વપરાય છે; પણ એવા લોકોનું વર્ણન કરવા માટે મારો ફેવરિટ શબ્દ છે ‘એનર્જી વૅમ્પાયર્સ’. આ એવા ઊર્જાશોષકો છે જેઓ આપણને સ્થગિત અને પ્રેરણાવિહીન બનાવી નાખે છે. નિરાશાજનક ટિપ્પણીઓ, આલોચના કે કાલ્પનિક ભય દ્વારા તેઓ આપણા આત્મવિશ્વાસ અને આત્મસન્માનની છડેચોક હત્યા કરી નાખે છે. આવા લોકોને ઓળખવા અને આપણી વ્યક્તિગત એનર્જી પ્રોટેક્ટ કરવા માટે શું કરવું જોઈએ? આ પ્રશ્નનો જવાબ મને એક અદ્ભુત પુસ્તકમાંથી મળ્યો જેનું નામ છે ‘Think like a Monk’.
![Read more article into app... read-more-banner](https://www.gujaratimidday.com//assets/images/image-dk.png)
![Read more article into app... read-more-banner](https://www.gujaratimidday.com//assets/images/image-mb.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)