હા, હું આજની દરેક ફીમેલને આ જ મેસેજ આપવા માગું છે. પુરુષોનું આધિપત્ય હોય એવા પ્રોફેશનમાં આવ્યા પછી મારી સાથે કામ કરતા પુરુષો મારા કામને ગંભીરતાથી લે એ માટે ક્યાંક ને ક્યાંક હું તેમના જેવી થવા માંડી હતી.
ફિલ્મ ‘વિરુદ્ધ’ના સેટ પર અમિતાભ બચ્ચન અને શર્મિલા ટાગોર સાથે અનુરાધા તિવારી: અમિતાભ બચ્ચન પ્યૉરલી રાઇટર-ડિરેક્ટરના ઍક્ટર છે.
ત્રીસેક વર્ષ પહેલાં જ્યારે હું ફિલ્મ-ઇન્ડસ્ટ્રીમાં આવી ત્યારે એક ફીમેલ તરીકે મારે અમુક બાબતોમાં જાતને બદલવી પડી છે. ‘બદલવી પડી છે’ને બદલે સુધારો કરીને કહું તો મારે કહેવું પડે કે ફિલ્મ-ઇન્ડસ્ટ્રીમાં આવ્યા પછી અનાયાસ ‘હું બદલાઈ છું’. સ્ત્રીઓને સામાન્ય રીતે પણ પુરુષો કરતાં થોડા વધુ પડકારો, થોડા વધુ સંઘર્ષ રહેતા હોય છે અને પુરુષપ્રધાન સમાજની આ જ વાસ્તવિકતા છે. આ હકીકત વચ્ચે મારા જેવી વ્યક્તિ, જેનો ઉછેર જ સ્વતંત્ર વિચારસરણી ધરાવતા વાતાવરણમાં થયો હોય એ પણ બાકાત નથી રહી એ મારે મન મજબૂરીથી ઓછું કાંઈ નથી અને એમ છતાં હું કહીશ કે કોઈ પણ ફીમેલે કપરા સંજોગોમાં પણ પોતાના સ્ત્રીત્વને પડતું મૂકીને આગળ વધવા માટે બદલાવું જરૂરી નથી. આ હું મારા અનુભવ પરથી કહું છું અને આ જ વાત હું શીખી છું. તમે જેવા છો એવા રહીને પણ તમારું ધાર્યું કરી શકો, કરાવી શકો. પુરુષો સાથે કામ કરવું હોય તો પુરુષો જેવા બનવાનું કામ સ્ત્રીઓ અનાયાસ કરી બેસતી હોય છે, પણ ના એ ખોટું છે.
![Read more article into app... read-more-banner](https://www.gujaratimidday.com//assets/images/image-dk.png)
![Read more article into app... read-more-banner](https://www.gujaratimidday.com//assets/images/image-mb.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-desk-modified.png)
![Join Whatsapp Channel Whatsapp-channel](https://www.gujaratimidday.com/assets/images/whatsapp-mobile.png)