શોએબ મલિક અને સાનિયા મિર્ઝા (Shoaib Malik and Sania Mirza)ના અલગ થવાના સમાચારે ભારે જોર પકડ્યું હતું.ત્યારે હવે શોએબ મલિકની આ મામલે પ્રતિક્રિયા સામે આવી છે.
_s_s_d.jpg)
ફાઈલ ફોટો
છેલ્લા કેટલાક સમયથી શોએબ મલિક અને સાનિયા મિર્ઝા (Shoaib Malik and Sania Mirza)ના અલગ થવાના સમાચાર સતત આવી રહ્યા છે. હવે ઈદના અવસર પર મલિકે આ મુદ્દે પોતાનું મૌન તોડ્યું છે અને એવી તમામ અટકળો પર પૂર્ણવિરામ મૂક્યું છે કે મલિક અને સાનિયા હવે એકબીજા સાથે નથી. પાકિસ્તાન (Pakistan)ના જિયો ન્યૂઝના કાર્યક્રમ `સ્કોર` પર મલિકે મૌન તોડ્યું છે. આ કાર્યક્રમમાં જ્યારે શોએબને આ વિશે પૂછવામાં આવ્યું તો તેણે સીધો જવાબ આપ્યો. શોએબે કહ્યું, સમાચાર ચાલી રહ્યા છે કે સંબંધો સારા નથી... પરંતુ તેમાં કોઈ સત્ય નથી. ઈદના અવસર પર હું કહેવા માંગુ છું કે અમે સાથે હતા અને આજે પણ સાથે છીએ. પરંતુ IPL શોમાં પ્રતિબદ્ધતાઓ હોય છે. આ કારણે અમે હાલમાં સાથે નથી.
મલિકે વધુમાં કહ્યું કે તે તેની પત્ની અને પુત્રને મિસ કરી રહ્યો છે. શોએબે કહ્યું કે અમે પહેલાની જેમ પ્રેમ વહેંચી રહ્યા છીએ. પાકિસ્તાની ક્રિકેટરે કહ્યું, `અમે ખરાબ સમાચારને લઈને અમારી તરફથી કોઈ નિવેદન આપ્યું નથી, કારણ કે આવી કોઈ વાત નહોતી અને અમે આવા સમાચારોને મહત્વ આપતા નથી.`
ADVERTISEMENT
આ પણ વાંચો: શોએબ તો શું, હું કોઈ પણ પરણેલા પુરુષ સાથે રિલેશનશિપ ન બાંધુ:પાકિસ્તાની અભિનેત્રી
નોંધનીય છે કે તાજેતરમાં સાનિયાએ ટેનિસમાંથી નિવૃત્તિ લેવાની જાહેરાત કરી હતી. સાનિયાએ તેની છેલ્લી મેચ આ વર્ષે ફેબ્રુઆરીમાં WTA દુબઈ ડ્યુટી ફ્રી ચેમ્પિયનશિપમાં રમી હતી. 36 વર્ષની સાનિયા તેની કારકિર્દીમાં છ ગ્રાન્ડ સ્લેમ ટાઇટલ જીતવામાં સફળ રહી હતી. સાનિયા દેશબંધુ મહેશ ભૂપતિ (2009 ઓસ્ટ્રેલિયન ઓપન અને 2012 ફ્રેન્ચ ઓપન) સાથે ત્રણમાંથી બે મિક્સ્ડ ડબલ્સ ટાઇટલ જીતવામાં સફળ રહી હતી. તેણે બ્રુનો સોરેસ સાથે યુએસ ઓપન ટ્રોફી પણ જીતી હતી.
