ACના અવાજથી કંટાળેલા ભાઈએ એસી ખોલ્યું તો, નીકળ્યા ગૂંચળું વળેલા 5 સાપ
થાઇલૅન્ડમાં એક ભાઈના બેડરૂમમાં ઘરઘરાટી બોલાવતા ઍરકન્ડિશનરે જબરો ઝાટકો આપ્યો. થોડાક દિવસથી એસી એટલું અવાજ કરતું હતું કે તેને ઊંઘ નહોતી આવતી. એક દિવસ તો ઘરઘરાટીની હદ થઈ ગઈ. તેણે એસીમાં શું ફૉલ્ટ છે એ તપાસવા માટે જાતે જ એસી ખોલી નાખ્યું. જોકે અડધું મશીન ખોલતાં તો તેના હોશ ઊડી ગયા.
આ પણ વાંચોઃ નૉર્મલ ડૉગી કરતાં વધુ તરવરાટ ધરાવે છે આ બે પગાળો ડૉગી
ADVERTISEMENT
ટેબલ પરથી કૂદકો મારીને તે નીચે આવી ગયો અને સાપ એમાંથી સળવળીને બહાર આવવા લાગ્યા. લાકડી વડે તેણે સાપને ખેંચવાની કોશિશ કરી તો એક-બે નહીં પણ કુલ પાંચ સાપોનું ગૂંચળું બહાર આવ્યું હતું. સર્પમિત્રોને બોલાવીને આ સાપને ઠેકાણે પાડી દેવામાં આવ્યા, પરંતુ સવાલ એ ખડો થાય છે કે આટલે ઊંચે લગાવેલા એસીમાં સાપ પહોંચ્યા કેવી રીતે હશે.
