૫ ફૂટના અજગરના અલ્સરની સારવાર કરે છે ૩ વર્ષની આ ટબૂકડી

ટાંગેરાંગ, ઈન્ડોનેશિયા | Apr 12, 2019, 08:36 IST

ઇન્ડોનેશિયાના ટાંગેરાંગ શહેરમાં ત્રણ વર્ષની મહારાણીને જંગલી અને ભયાવહ કહેવાય એવાં પ્રાણીઓ સાથે રમવામાં કોઈ ડર નથી લાગતો.

૫ ફૂટના અજગરના અલ્સરની સારવાર કરે છે ૩ વર્ષની આ ટબૂકડી

ઇન્ડોનેશિયાના ટાંગેરાંગ શહેરમાં ત્રણ વર્ષની મહારાણીને જંગલી અને ભયાવહ કહેવાય એવાં પ્રાણીઓ સાથે રમવામાં કોઈ ડર નથી લાગતો. એનું કારણ એ છે કે તેના પિતા એક્ઝોટિક અને ઇન્જર્ડ પ્રાણીઓની સારવાર આપવાનું કામ કરે છે. તેમના ઘરે આએદિન અજગર, મગર, ઘુવડ જેવાં પ્રાણીઓ સારવાર માટે આવતાં રહે છે. એ વખતે મહારાણી એ પ્રાણીઓથી ડરવાને બદલે તેમની સાથે રમે છે અને હવે તો પપ્પાને જોઈને તે પણ એ પ્રાણીઓ સાથે જાણે ડૉક્ટર-ડૉક્ટર રમતી હોય એવું વર્તન કરે છે. આ તસવીરમાં જે પંદર ફુટનો અજગર છે તેને મોંમાં અલ્સર થયેલા છે. તેના પપ્પાએ અજગરનું મોં ખોલીને રૂ પર એના લોહી અને લાળનાં સૅમ્પલ લીધેલાં એ જોઈને મહારાણી પણ અજગરનું મોં ખોલીને એ જ ક્રિયા કરવાની કોશિશ કરે છે. તેના પપ્પાને એનાથી કોઈ ડર નથી લાગતો. પિતાનું કહેવું છે કે મારી દીકરી પાસે કોઈ પણ પ્રાણી ખૂબ જ રિલૅક્સ્ડ મહેસૂસ કરે છે. આ જ અજગરને જો બીજું કોઈ હાથ અડાડે તો તરત જ અજગર એની ભીંસ મજબૂત કરી દે છે, જ્યારે મહારાણી સાથે અજગર પણ મસ્તીના મૂડમાં રહે છે.

આ પણ વાંચોઃ  વિશ્વના સૌથી જાડિયા બાળકે વજન ઘટાડ્યું ૧૦ વર્ષે ૧૯૨ કિલો, ૧૩ વર્ષે છે ૮૦ કિલો

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK