અલી અબ્બાસ ઝફરની વેબ-સિરીઝમાં જોવા મળશે સૈફ અલી ખાન ?

Published: May 14, 2019, 12:12 IST | ઉપાલા કે.બી.આર.

‘ભારત’નો ડિરેક્ટર અલી અબ્બાસ ઝફર હવે વેબ-સિરીઝમાં હાથ અજમાવવા સૈફ અલી ખાન સાથે ડિજિટલ પ્લૅટફૉર્મ પર કામ કરશે.

સૈફ અલી ખાન
સૈફ અલી ખાન

‘ભારત’નો ડિરેક્ટર અલી અબ્બાસ ઝફર હવે વેબ-સિરીઝમાં હાથ અજમાવવા સૈફ અલી ખાન સાથે ડિજિટલ પ્લૅટફૉર્મ પર કામ કરશે. ઍમેઝૉન પ્રાઇમ માટે અલી અબ્બાસ ઝફર એક વેબ-સિરીઝ બનાવશે. વિડિયો સ્ટ્રીમિંગ સર્વિસ નેટફ્લિક્સની ‘સેક્રેડ ગેમ્સ’માં સૈફનો અભિનય ખૂબ વખાણવામાં આવી રહ્યો છે. એવી ચર્ચા છે કે અલી ટૂંક સમયમાં જ આ વેબ-સિરીઝ માટે પ્રી-પ્રોડક્શનનું કામ શરૂ કરશે અને આ વર્ષના અંત સુધીમાં એ વેબ-સિરીઝને રિલીઝ કરવામાં આવશે. આ વેબ-સિરીઝ પૂરી થયા બાદ સલમાન ખાન અને કૅટરિના કૈફને લઈને ‘ટાઇગર’ની ફ્રૅન્ચાઇઝી પર પણ કામ શરૂ કરવામાં આવશે.

આ પણ વાંચો : બૉલીવુડમાં કરીઅર બનાવવા માટે નસીબનો સાથ પણ જરૂરી છે: દિવ્યેન્દુ શર્મા

અલી અબ્બાસ ઝફર અને સૈફ અલી ખાન બન્ને એકબીજાને ૨૦૦૮માં આવેલી ‘ટશન’ના સમયથી ઓળખે છે. અલીએ આ ફિલ્મમાં અસિસ્ટન્ટ ડિરેક્ટર તરીકે કામ કર્યું હતું. ‘સેક્રેડ ગેમ્સ’માં સૈફનો પર્ફોર્મન્સ અલીને ખૂબ પસંદ પડ્યો છે. આ જ કારણ છે કે તેણે વેબ-સિરીઝ માટે સૈફ પર પસંદગી ઉતારી છે. આ વેબ-સિરીઝ માટે સૈફને પોતાના લુક પર પણ ખાસ વર્ક કરવું પડશે. જોકે સૈફ પણ હાલમાં તેનાં અન્ય કમિટમેન્ટ વ્યસ્ત છે. એ બધાં પૂરાં થયા બાદ જ તે અન્ય પ્રોજેક્ટ હાથમાં લેશે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK