કાલા ઘોડા ફેસ્ટિવલની મસ્ટ વિઝિટ ઍક્ટિવિટીઝ

એક સદીથી વધુ જૂનું મુંબઈ કેવું હતું ત્યાંથી લઈને આજના મુંબઈની ખાસિયતોને તસવીરોમાં જોવાની મજા અનોખી છે.

કાલા ઘોડા ફેસ્ટિવલની મસ્ટ વિઝિટ ઍક્ટિવિટીઝ

મુંબઈ આજકલ ફોટો એક્ઝિબિશન
છેલ્લાં ૧૦૦-૧૫૦ વર્ષમાં મુંબઈની જબરદસ્ત કાયાપલટ થઈ ગઈ છે. એક સદીથી વધુ જૂનું મુંબઈ કેવું હતું ત્યાંથી લઈને આજના મુંબઈની ખાસિયતોને તસવીરોમાં જોવાની મજા અનોખી છે. ફોટોવૉક મુંબઈ દ્વારા યોજાતી હેરિટેજ વૉક્સ દરમ્યાન વિવિધ અમૅચ્યોર ફોટોગ્રાફર્સની દૃષ્ટિએ અનોખા ઍન્ગલથી કચકડે મઢાયેલું મુંબઈ જોવું હોય તો ખાકી લૅબ દ્વારા એનું મજાનું એક્ઝિબિશન ક્યુરેટ થયું છે. 
ક્યારે? ઃ ‘ ૫ અને ૬ ફેબ્રુઆરી
સમય ઃ સવારે ૧૧થી સાંજે ૭
ક્યાં?ઃ ખાકી લૅબ, ત્રીજો માળ, હરિ ચેમ્બર્સ, એસબીએસ માર્ગ, ફોર્ટ

કહાની જંકાસુર કી
જન્ક ફૂડ જોઈને અંદરનો બકાસુર જાગી જાય છે અને આપણે તમામ લિમિટ છોડીને જન્ક ફૂડ પર તૂટી પડીએ છીએ. આ આદત આપણા શરીરને ડિટૉક્સિફાય કરવાનું કામ કરતી કિડનીઓ પર બહુ જોખમી છે. નર્મદા કિડની ફાઉન્ડેશન દ્વારા આ બાબતે જાગૃતિ આણતો સ્ટ્રીટ-પ્લે ‘કહાની જંકાસુર કી’ ભજવાશે. 
ક્યારે?ઃ ૫ ફેબ્રુઆરી
સમય ઃ સાંજે ૫થી ૫.૪૦
ક્યાં?ઃ કૂપરેજ બૅન્ડસ્ટૅન્ડ ગાર્ડન, મૅડમ કામા રોડ, ફોર્ટ

ADVERTISEMENT

ધ લાઇફ ઑફ અમ્રિતા પ્રીતમ
પંજાબી પોએટ અમ્રિતા પ્રીતમના જો તમે ચાહક હો તો તેમની જીવનીને રજૂ કરતો ડ્રામા થઈ રહ્યો છે. હિન્દી, મરાઠી, પંજાબી અને ઇંગ્લિશ એમ મિક્સ ભાષામાં છે જેમાં તેમના જીવનની પ્રેરણાદાયી પળો જાણવા મળશે. 
ક્યારે?ઃ ૬ ફેબ્રુઆરી
સમય ઃ ૧૧થી ૧૨.૩૦
ક્યાં?ઃ યશવંત ચવાણ સેન્ટર

મિલેટ કા મૅજિક
૨૦૨૩નું વર્ષ મિલેટ વર્ષ જાહેર થયું છે. ભારતનાં જાતજાતનાં મિલેટ્સની અંદરના સુપરફૂડ ગુણો જાણ્યા પછી જો તમારે એની વૈવિધ્યસભર રેસિપી બનાવતાં શીખવી હોય તો શેફ કરિશ્મા મહેતા અને સેલિબ્રેટેડ શેફ જયદીપ મુખરજી સાથે મળીને ૨૦૨૩ના મિલેટ ટ્રેન્ડમાં જોડાઓ. અહીં તમને મિલેટ્સની ડેલિશ્યસ રેસિપી શીખવા મળશે. 
ક્યારે?ઃ ૭ ફેબ્રુઆરી
સમય ઃ બપોરે ૩થી ૫
ક્યાં?ઃ સ્મોક હાઉસ ડેલી, કોલાબા

   આજે શું કરશો?

પંડિત દુર્ગાલાલ ફેસ્ટિવલ

જયપુર ઘરાનાના જાણીતા કથક નૃત્યગુરુ પંડિત દુર્ગાલાલની સ્મૃતિમાં વિવિધ ક્લાસિકલ ડાન્સનો સમન્વય કરતો કાર્યક્રમ તેમનાં શિષ્ય ઉમા ડોગરા દ્વારા થઈ રહ્યો છે. ઉમા ડોગરા વિવિધ ભારતીય શાસ્ત્રીય નૃત્ય અને સંગીતને પ્રમોટ કરતી સંસ્થાઓ સાથે સંકળાયેલાં હોવાથી તેમણે કથક અને ભરતનાટ્યમનું સંયોજન કર્યું છે. આ કાર્યક્રમમાં ગૌરી દિવાકર કથક અને મીનાક્ષી શ્રીનિવાસન ભરતનાટ્યમ રજૂ કરશે. 
ક્યારે?ઃ ૫ ફેબ્રુઆરી
સમય ઃ સાંજે ૫ 
ક્યાં?ઃ તાતા થિયેટર, એનસીપીએ
કિંમત ઃ ૧૮૦થી ૪૦૦ રૂપિયા
રજિસ્ટ્રેશન ઃ ncpamumbai.com

લતાંજલિ અને શ્રદ્ધાંજલિ 
આવતી કાલે ભારત રત્ન સૂરસમ્રાજ્ઞી લતા મંગેશકરની પહેલી ડેથ ઍનિવર્સરી છે એટલે આ વીક-એન્ડમાં અનેક જગ્યાએ લતાજીને સ્મરણાંજલિ આપતો તેમનાં ગીતો પીરસતો કાર્યક્રમ થઈ રહ્યો છે. મુંબઈના સૌથી મોટા ઑડિટોરિયમમાં બે અલગ-અલગ ઑર્ગેનાઇઝર્સ દ્વારા આજે અને કાલે સતત લતાજીને શ્રદ્ધાંજલિ અપાશે. આજે શબ્બીર કુમાર, જૉલી મુખરજી, પ્રિયંકા મિત્રા પર્ફોર્મ કરશે, જ્યારે આવતી કાલના કાર્યક્રમમાં પોલીસ બૅન્ડ છે અને સિંગર્સમાં સાધના સરગમ, બેલા શેન્ડે, સંપદા ગોસ્વામી જેવાં કલાકારો છે. 
ક્યારે?ઃ ૫, ૬ ફેબ્રુઆરી
સમય ઃ સાંજે ૬.૩૦ વાગ્યાથી
ક્યાં?ઃ ષણ્મુખાનંદ ઑડિટોરિયમ, 
કિંમત ઃ પાંચ તારીખે ૪૦૦થી ૩૫૦૦ રૂપિયા અને ૬ તારીખે ફ્રી
રજિસ્ટ્રેશન ઃ bookmyshow

ફુલ મૂન મેડિટેશન 
પૂનમ દિવસે ચોક્કસ પ્રકારે મેડિટેશન કરવાથી બૉડી એનર્જીનું ક્લેન્ઝિંગ થઈ શકે છે. આજે પૂનમ છે ત્યારે ક્રિસ્ટલ એનર્જાઇઝિંગ કરીને પૂનમનું ધ્યાન કરવાથી સેલ્ફ-અવેરનેસ વધે છે. સ્ટ્રેસ હૅન્ડલ કરવાની ક્ષમતા વધે છે અને ક્યાંય શારીરિક-માનસિક પીડા હોય તો એ ઘટે છે. નકારાત્મક એનર્જી, લાગણીઓ તથા ઊર્જાથી દૂર રહેવામાં પણ ક્રિસ્ટલ્સ શીલ્ડ બને છે. 
ક્યારે?ઃ ૫ ફેબ્રુઆરી
સમય ઃ રાતે ૮.૩૦ વાગ્યાથી
ક્યાં?ઃ ઑનલાઇન ઝૂમ પર
કિંમત ઃ ૨૨૨ રૂપિયા 
રજિસ્ટ્રેશન ઃ bookmyshow

   નેક્સ્ટ વીકમાં શું કરશો?

રાધા-કૃષ્ણ તાંજોર પેઇન્ટિંગ 

તાંજોર પેઇન્ટિંગમાં મોટા ભાગે સોનાના વરખ દ્વારા સુશોભિત કૃષ્ણ કે શ્રીનાથજીનાં વિવિધ સ્વરૂપોની કૃતિઓ હોય છે. ટ્રેડિશનલ તાંજોર આર્ટિસ્ટ સંજય તાંડેકર પાસેથી રાધા-કૃષ્ણના રોમૅન્ટિક સ્વરૂપને તાદૃશ કરતું ચિત્રણ શીખવતી વર્કશૉપ બિગિનર્સ માટે યોજાઈ રહી છે. તાંજોર પેઇન્ટિંગ શું છે, એની ખાસિયતો શું છે એ જાણવા સાથે આ બ્યુટિફુલ આર્ટને તબક્કાવાર શીખવવામાં આવશે. 
ક્યારે?ઃ ૭ અને ૮ ફેબ્રુઆરી
સમય ઃ પથી ૭
ક્યાં?ઃ ઑનલાઇન ઝૂમ પર 
કિંમત ઃ ૨૮૯૯ રૂપિયા 
(મટીરિયલ સાથે)
રજિસ્ટ્રેશન ઃ memeraki.com

મહાશિવરાત્રિ સ્પેશ્યલ 

જો તમે શિવભક્ત હો અને આવનારી શિવરાત્રિ પહેલાં શિવજીનું અનોખું પેઇન્ટિંગ તૈયાર કરવાની ઇચ્છા હોય તો એક અઠવાડિયાની તમામ સાંજ ગાળીને તમે નૃત્ય કરતા શિવજીનું ચિત્ર તૈયાર કરતાં શીખી શકો છો અને એ પણ સુપર માસ્ટર આર્ટિસ્ટ ભાસ્કર મોહપાત્રા પાસેથી. શિવરાત્રિના દિવસે તમારી પાસે પોતે રચેલું શિવજીનું સ્વરૂપ હશે એનાથી રૂડું બીજું શું હોઈ શકે?
ક્યારે?ઃ ૬થી ૧૭ ફેબ્રુઆરી
સમય ઃ સાંજે ૬થી ૭.૩૦
કિંમત ઃ ૨૧૦૦ રૂપિયા 
ક્યાં?ઃ ઑનલાઇન ઝૂમ પર
રજિસ્ટ્રેશન ઃ @catterfly_art _culture