મોંઘવારીમાં વધુ એક માર: ફુગાવો 5.54 ટકા સાથે 3 વર્ષની ટોચ પર પહોંચ્યો
ખાદ્ય મોંઘવારી દર વધ્યો
ખાદ્ય ચીજોની કિંમતોમાં વધારો થવાને કારણે નવેમ્બરમાં છૂટક ફુગાવો વધીને 5.54 ટકા થયો છે. આ તેની ત્રણ વર્ષની ઉંચી સપાટી છે. કન્ઝ્યુમર પ્રાઈસ ઈન્ડેક્સ પર આધારિત ફુગાવો આ વર્ષે ઓક્ટોબરમાં 4.62 ટકા અને નવેમ્બર 2018 માં 2.33 ટકા હતો. સેન્ટ્રલ સ્ટેટિસ્ટિક્સ ઓફિસ (એનએસઓ) દ્વારા જાહેર કરવામાં આવેલા આંકડા અનુસાર, ચાલું મહિના દરમિયાન ખાદ્ય ફુગાવાનો દર વધીને 10.01 ટકા થયો છે.
Retail inflation up at 5.54 per cent in November, industrial production in October down by 3.8 per cent
— ANI Digital (@ani_digital) December 12, 2019
Read @ANI story | https://t.co/9YYZbuYBWe pic.twitter.com/H4FCi3Hg9I
ADVERTISEMENT
2016માં છુટક ફુગાવે 6.07 ટકા હતો
ઓક્ટોબરમાં તે 7.89 ટકા અને એક વર્ષ પહેલા આ જ મહિનામાં 2.61 ટકા નોંધાયો હતો. આ અગાઉ જુલાઈ 2016માં છૂટક ફુગાવાનો દર 6.07 ટકા નોંધાયો હતો. રિઝર્વ બેંક મુખ્યત્વે નાણાકીય નીતિની સમીક્ષામાં છૂટક ફુગાવા પર જ નજર રાખે છે અને રિઝર્વ બેન્કને રિટેલ ફુગાવો બે ટકાની ઉપર અને બે ટકા નીચે ચાર ટકાની રેન્જમાં રાખવાનો લક્ષ્યાંક આપવામાં આવ્યો છે.
શાકભાજી-ડુંગણીમાં ભાવ વધારો મુખ્ય કારણ
અનાજની કિંમતોમાં વધારો, શાકભાજી-ડૂંગળીના ભાવમાં વધારો તેનું મુખ્ય કારણ છે. છેલ્લા એક મહિનાથી ડુંગળીના ભાવ આભને આંબી ચુક્યા છે. ખાદ્ય પદાર્થોની મોંઘવારી 7.89%થી વધીને 10.01 ટકા થઈ ગઈ છે.