Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સ્પોર્ટ્સ સમાચાર > ક્રિકેટ > આર્ટિકલ્સ > ડબ્લ્યુપીએલ અનેક શહેરોમાં રાખો, અસંખ્ય નવા ફૅન્સ મળશે : મંધાના

ડબ્લ્યુપીએલ અનેક શહેરોમાં રાખો, અસંખ્ય નવા ફૅન્સ મળશે : મંધાના

06 December, 2023 01:04 PM IST | Mumbai
Gujarati Mid-day Correspondent | feedbackgmd@mid-day.com

ડબ્લ્યુપીએલની બીજી સીઝન આવતા ફેબ્રુઆરીમાં શરૂ થશે. જોકે એ પહેલાં એના પ્લેયર્સ-ઑક્શનનો સમય આવી ગયો છે જે શનિવાર ૯ ડિસેમ્બરે મુંબઈમાં યોજાશે.

સ્મૃતિ મંધના

સ્મૃતિ મંધના


રૉયલ ચૅલેન્જર્સ બૅન્ગલોર (આરસીબી) વિમેન્સ ટીમની કૅપ્ટન સ્મૃતિ મંધાનાએ બૅન્ગલોરની એક ઇવેન્ટમાં વિમેન્સ પ્રીમિયર લીગ (ડબ્લ્યુપીએલ)માં મલ્ટિ-સિટી ફૉર્મેટ અપનાવવાનો અનુરોધ કર્યો હતો. તેનો કહેવાનો મતલબ એ હતો કે ૨૦૨૩માં પહેલી જ સીઝનમાં સુપરહિટ થયેલી આ સ્પર્ધા મર્યાદિત શહેરોને બદલે અનેક શહેરોમાં રાખવામાં આવે તો વિમેન્સ ક્રિકેટને અસંખ્ય નવા ચાહકો મળી શકે.

૨૭ વર્ષની મંધાના આરસીબી વિમેન્સની કૅપ્ટન છે. ૨૦૨૩ની ડબ્લ્યુપીએલ મુંબઈમાં જ રમાઈ હતી, જ્યારે ૨૦૨૪ની સીઝનની મૅચો મુંબઈ ઉપરાંત બૅન્ગલોરમાં પણ રમાશે એવો અહેવાલ છે. આયોજકો મલ્ટિ-સિટી ફૉર્મેટ અપનાવશે એવી આશા વ્યક્ત કરતાં તેણે ઉદાહરણ આપતાં કહ્યું હતું કે ‘આરસીબીની ફૅન તરીકે મને એમ. ચિન્નાસ્વામી સ્ટેડિયમ (બૅન્ગલોર)માં રમવું ખૂબ ગમશે. હું આ ગ્રાઉન્ડ પર રમતી હોઉં અને ચાહકો ‘આરસીબી... આરસીબી’ની બૂમ પાડે એ સાંભળવાનું પણ મને ઘણું ગમશે. હું એ ઍટમોસ્ફિયર માણવા માગું છું. જો વધુ ને વધુ શહેરોમાં ડબ્લ્યુપીએલ રમાશે તો અનેક નવા ફૅન્સ મળશે.’



ડબ્લ્યુપીએલની બીજી સીઝન આવતા ફેબ્રુઆરીમાં શરૂ થશે. જોકે એ પહેલાં એના પ્લેયર્સ-ઑક્શનનો સમય આવી ગયો છે જે શનિવાર ૯ ડિસેમ્બરે મુંબઈમાં યોજાશે.


Whatsapp-channel Whatsapp-channel

06 December, 2023 01:04 PM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK