News Live Updates: કેજરીવાલની ધરપકડ પર અન્ના હજારેની પ્રતિક્રિયા

News Live Updates:  મુંબઈથી ગોરખપુર જઈ રહેલી ગોદાન એક્સપ્રેસમાં આગ લાગી

મુંબઈથી ગોરખપુર જઈ રહેલી ગોદાન એક્સપ્રેસમાં આગ લાગવાનો મામલો સામે આવ્યો છે. કહેવામાં આવી રહ્યું છે કે ટ્રેન મુંબઈથી શરૂ થઈ હતી અને મહારાષ્ટ્રના નાસિક રોડ સ્ટેશન પાસે પહોંચી હતી.  આ દરમિયાન ગોદાન (મુંબઈ એલટીટી-ગોરખપુર) એક્સપ્રેસના છેડે લગેજ બોગીમાં અચાનક આગ ફાટી નીકળી હતી. આગની માહિતી મળતાં જ સાવચેતીના ભાગરૂપે ટ્રેનના બાકીના ભાગને લગેજના ડબ્બાથી અલગ કરી દેવામાં આવ્યા હતા. આ સમગ્ર ઘટના બપોરે 3 વાગ્યે બની હોવાનું કહેવાય છે. આ અકસ્માતમાં કોઈને ઈજા થઈ હોવાની માહિતી મળી નથી. ફાયર બ્રિગેડની ટીમ ઘટનાસ્થળે પહોંચી ગઈ છે અને આગ પર કાબુ મેળવ્યો છે.

News Live Updates: ભાજપે ઉમેદવારોની ચોથી યાદી કરી જાહેર

BJP releases the 4th list of the Lok Sabha Candidates from Puducherry and Tamil Nadu. pic.twitter.com/RGSctUWX7A

— ANI (@ANI) March 22, 2024

લોકસભા ચૂંટણી 2024 માટે ભાજપે ઉમેદવારોની ચોથી યાદી જાહેર કરી છે. આ લિસ્ટમાં કુલ 16 ઉમેદવારોના નામ સામેલ છે. 

News Live Updates: કેજરીવાલની ધરપકડ પર અન્ના હજારેની પ્રતિક્રિયા

ED દ્વારા દિલ્હીના સીએમ અરવિંદ કેજરીવાલની ધરપકડ પર, સામાજિક કાર્યકર્તા અન્ના હજારેએ મહારાષ્ટ્રના અહમદનગરમાં કહ્યું કે મને એ વાતનું દુઃખ છે કે મારી સાથે કામ કરતા અને દારૂની વિરુદ્ધ અવાજ ઉઠાવનારા અરવિંદ કેજરીવાલ હવે દારૂની નીતિઓ બનાવી રહ્યા છે. પરંતુ તેઓ શું કરશે કારણ કે સત્તાની સામે કશું જ કામ કરતું નથી. તેની ધરપકડ તેના પોતાના કાર્યોને કારણે થઈ છે. હવે આગળ જે પણ થશે તે કાયદાકીય રીતે થશે.

Mumbai News LIVE Updates: ભાઉસાહેબ કાંબલે એકનાથ શિંદેની શિવસેનામાં જોડાયા

પૂર્વ ધારાસભ્ય ભાઉસાહેબ કાંબલે એકનાથ શિંદેની શિવસેનામાં જોડાયા છે. શિવસેનાના સદાશિવ લોખંડે સામે 2019માં લોકસભા ચૂંટણી લડનાર ભાઉસાહેબ કાંબલે ગુરુવારે રાત્રે એકનાથ શિંદેની શિવસેનામાં જોડાયા હતા.