કરણ જોહર અને ખુશી કપૂરની રૅમ્પ પર જમાવટ

આ કાર્યક્રમમાં કરણ જોહરથી લઈને અંકિતા લોખંડે અને ખુશી કપૂર સુધીનાં સિતારાઓએ પોતાના સ્ટાઇલિશ અંદાજથી સૌનું ધ્યાન ખેંચ્યું હતું. આ કાર્યક્રમની ઓપનિંગ નાઇટનું મુખ્ય આકર્ષણ ‘ધ રનવે બાય અજિયો લક્સ’ ફૅશન-શો રહ્યો હતો.

કરણ જોહર અને ખુશી કપૂર

શુક્રવારની સાંજે બાંદરા-કુર્લા કૉમ્પ્લેક્સના જિયો વર્લ્ડ ગાર્ડનમાં ‘અજિયો લક્સ વીકએન્ડ’ની છઠ્ઠી એડિશનનો ભવ્ય પ્રારંભ થયો હતો. ત્રણ દિવસ ચાલનારા આ લક્ઝરી લાઇફસ્ટાઇલ ફેસ્ટિવલના પહેલા દિવસે બૉલીવુડ અને ટેલિવિઝન જગતની અનેક જાણીતી હસ્તીઓએ હાજરી આપી હતી. આ કાર્યક્રમમાં કરણ જોહરથી લઈને અંકિતા લોખંડે અને ખુશી કપૂર સુધીનાં સિતારાઓએ પોતાના સ્ટાઇલિશ અંદાજથી સૌનું ધ્યાન ખેંચ્યું હતું. આ કાર્યક્રમની ઓપનિંગ નાઇટનું મુખ્ય આકર્ષણ ‘ધ રનવે બાય અજિયો લક્સ’ ફૅશન-શો રહ્યો હતો. આ ફૅશન-શોમાં કરણ જોહરે પણ રૅમ્પ પર પોતાના અંદાજથી સૌનું ધ્યાન ખેંચ્યું હતું. તે કાસાબ્લાન્કાના ડિઝાઇનર આઉટફિટમાં રૅમ્પ પર ઊતર્યો હતો. અહીં ખુશી કપૂરે રૅમ્પ પર ડીપ વી-નેકવાળા લાંબા બ્લેઝર ડ્રેસ, સ્ટાઇલિશ બેલ્ટ અને પ્રિન્ટેડ ટાઇ સાથે તેના લુકને ખાસ બનાવ્યો હતો.