25 September, 2022 12:00 PM IST | Mumbai | Gujarati Mid-day Correspondent
તસવીર સૌજન્ય : એ.એફ.પી./પી.ટી.આઇ.
લૉર્ડ્સમાં પોતાની છેલ્લી મૅચ રમી રહેલી ઝુલન ગોસ્વામીને ટૉસનો નિર્ણય લેવાની તક ભારતીય મહિલા ટીમની કૅપ્ટન હરમનપ્રીત કૌરે આપી હતી. હરમનપ્રીત અને ઝુલન સાથે જ ટૉસ માટે આવી હતી અને ઇંગ્લૅન્ડની કૅપ્ટન એમી જૉન્સની બાજુમાં ઊભી રહી હતી. ટૉસ પહેલાં ભારતીય ટીમ જ્યારે ભેગી થઈ હતી ત્યારે પણ ભારતીય કૅપ્ટનની આંખોમાં આંસુ આવ્યાં હતાં અને તે તેને ભેટીને રડી પડી હતી. ટૉસ બાદ ઝુલને મીડિયાને ઇન્ટરવ્યુ પણ આપ્યો હતો. ૨૩ વર્ષ બાદ પહેલી વખત ભારત ઇંગ્લૅન્ડ સામે વન-ડે સિરીઝ ૨-૦થી જીતી ચૂક્યું છે.